Wa Sarabyin Francis Irish Gumsan Magam Michael Higgins Hte Hkrum Shaga Ai Lam

Wa Sarabyin Francis Irish Gumsan Magam Michael Higgins Hte Hkrum Shaga Ai Lam

Wa sarabyin Francis gaw Irish Gumsan Magam Michael Higgins hte lak san minutes 25 daram hkrum shaga lai wa ai hpe The Holy see Press kawn na chye lu ai.

Wa sarabyin Francis kawn Ireland Gumsan Magam Michael Higgins hpe Apostolic Palace shara hta October 19 ya shani hkap la hkrum shaga lai wa ai lam chye lu ai.

Gumsan Magam Higgins gaw Cardinal Secretary of State ngu na maigan mung hkringmang hte seng ai saradaw kaba Pietro Parolin hte Vatican Secretary for the Relations with the State and International Organizations ni hte seng ai Archbishop Sradaw Kaba Paul Richard Gallagher hte hkrum shaga lai wa ai.

Maigan mung hkringmang hte seng ai rung hta kata lam hku nna hkrum shaga bawng ban ai hta Ireland hte the Holy see lahkawng maga ra sharawng ai hte akyu lu la na lam ni bung nga ai zawn matut mahkai ginlam ni hta masan sa nga ai lam nga ai hpe the Holy See Press rung kawn shiga ndau shabra lai wa ai lam chye lu ai.

Matut nna Mungkan ting hte seng ai Malu masha ni hpe law htam hkra garan jaw lu na lam hte matsan jam jau nga ai lam ni hkoi seng tsan wa na hte seng ai lam ni, the Apostolic Exhortation Laudate Deum uhpung kawn lit la galaw nga ai Mungkan shingra tara hpe gara hku makawp maga sa wa na hte seng ai lam ni hte ya ten na mungkan masa a majaw bu htawt sit hkrum nga ai ni hte ya na mungkan prat masa hta hkan nna gara hku law htam hkra galaw lajang sa wa lu na lam ni hte seng ai hpe hkrum shaga bawng ban lai wa ai lam chye lu ai.

Wa sarabyin Francis kawn Irish Gumsan Magam a matu bu htawt sit nga ai masha ni (migrants) hpe yaw sada let galaw da ai Bronze sculpture ngu na magri jangnai sumla, 2023 ning na sim sa ai hte seng ai shi a laika hte shi hkum nan sen htu da ai masha shada garum shingtau chye ai (Document on Human Fraternity) ngu ai laika pa, bai lai wa sai 2020, March 27 Abu Dhabi kaw na the Grand Imam Of Al-Azhar ngu ai the book of Statio Orbis ni hpe kum hpa hku na jaw lai wa sai hpe mung chye lu ai.

Gumsan Magam kaw na mung Wa sarabyin hpe htawt sit nga ai masha ni (migrants) hpe yaw shada let Ireland Mungdan hta Mying kaba ai Sculpture ngu na jangnai hpaji  sara kaba John Behan hkum nan galaw da ai Bronze Statue magri sumla langai hpe kum hpa hku nna bai nhtang jaw lai wa ai lam hpe mung chye lu ai.