Wa Sarabyin: Covid-19 Ana Ninghkap Makawp Tsi Htu Na Matu N-Gun Jaw

Wa Sarabyin Francis, Covid -19 ana ninghkap makawp tsi htu na matu mung shawa masha ni yawng hpe n-gun jaw da ai lam, August 18, bat 3 ya shani Vatican Shiga Shapoi Dap kaw nna ndau da ma ai.

Ndai zawn, Covid -19 ana ninghkap makawp tsi htu ai gaw tsaw ra myit madun ai re ngu Wa Sarabyin Francis tsun da nga ai.

Wa Sarabyin Francis gaw Dingdung America, Dingda America na Wa Saradaw ni a Covid -19 ninghkap makawp lam hte nawku hpung hte seng ai zuphpawng ni hta mung shang lawm ai rai nna ndai shadum ga hpe tsun wa ai rai nga ai.

Covid -19 ana ninghkap makawp tsi htu ai hta ap nawng shakut taw nga ai ni hte tsi htu hkam la lu ai majaw Karai Kasang hpe chyeju dum ai lam bat masum ya shani Video message hta tsun da nga ai.

Covid 19 ninghkap makawp tsi htu hkam la ai gaw, tinang hkum hpe tsaw ra ai, nta masha ni hpe tsaw ra ai, htingbu ni hpe tsaw ra ai, manau manang ni hpe tsaw ra ai lam madun ai mung rai nga ai, ngu tsun shadum da nga ai. Tsaw ra myit gaw shinggyim wuhpung wuhpawng hte mung mung masa lam hte mung seng ai ngu mung matut tsun sang lang da nga ai. Kade ram mi kaji kadun ai lam raitim, tsaw ra myit hte galaw ai gaw shawng lam myit mada shara hpe jaw ya ai ngu mung tsun da ai.

Covid 19 ana ninghkap makawp tsi gaw mungkan masha yawng a shawng lam kaja grau ai hpe jaw ya u ga, akyu hpyi ga ai ngu mung akyu hpyi da nga ai.

By Fr. Patrick Gawmaw Hkawng Yae

#vaticannews

#rvakachinservice

https://www.vaticannews.va/en/pope/news/2021-08/pope-francis-appeal-covid-19-vaccines-act-of-love.html