Trauma Healing Hotline Service ( Myit hkam kaja lam hte seng nna hotline hku ladat jaw ai lamang).

Trauma Healing Hotline Service ( Myit hkam kaja lam hte seng nna hotline hku ladat jaw ai lamang).

Background of the program:(Lamang a shingdu labau)

Shiga madat nga ai tsawra ai kanu kawa, hpunau, manaw, manang ni hpang de manu dan ai shiga langai shalai mayu ga ai. Dai gaw Myitkyina Karuna Rung (KMSS) hku nna Trauma Healing a matu Counseling ngu ai, Myit hkam kaja lam hte seng nna, myit hpe tsi tsi ya ai Counseling ngu ai hpe galaw mat wa na re ai lam kabu mai ai shiga shana ya na ga ai.

Anhte shingyim masha ni gaw, tingnang a sak hkrung lam shani shagu hta e, myit simsa ai lam myit npyaw hpa lam ni, shani shagu hkrum sha taw ai ni rai nga ga ai. Ga shadawn dinghku hta nngwi npyaw ai aten galu byin ai zawn re ai ni, kanu kawa ni hku nna mayak lam a myu myu (ja gumhpraw, hkam kaja lam) ni a majaw hka garan mat ai ten hta, kanu kawa ni hku nna ti nang a kashu kasha ni hpe gara hku sharin shaga na, mahkrun nmu taw ai aten hkan e, kanu kawa sha n’ga, kashu kasha ni mung myit hkam ja lam hta hkra machyi wa chye ai rai nga ai.

Bai nna, mung dan nsim sa ai a majaw, jawng lung ram ai ma kaji nnga, ramma ni law law wa, lai ka hpa ji hpe ngut kre hkra nlu matut sharin mat ai ni, shawng lam de galaw mat na, amu magam lam hpe myit nna, tsam pu ai ni mung law law wa nga taw ai hpe mu mada lu ga ai.

Masha hpawng de shanglawm na, n’gwi mat ai zawn hkam sha taw ai, matsan lu su ai nhkan e, garan ging hka tawn ai zawn hkam sha taw ai, lama ma galaw shut nna gaya kaba hkrum sha mat wa ai aten, tinang hkum tinang n chye hkap la mat ai hta hkan nna myit ndik myit npyaw ai lam ni a majaw myit hka, kaja lam ningra mat ai.

Goal (Ban dung yaw shada ai lam)

Anhte shingyim masha ni hta lahta de na machyi magaw ai lam ni hpe aten galu hkam sha wa yang, စိတ်ထောင်းကိုယ်ကြေ nga ai myen ga malai nga ai hte maren myit hkam sha ai/ myit ru lam ni law law nga wa yang hkum hkrang hkam kaja lam hta hkan e, hkrat sum chye wa ai rai nga ai ga ai.

Hkrum hkrang hkam ja lam nnga yang tsi tsi la mai ai zawn, Myit hkamja lam nnga wa yang mung tsi tsi la mai ai re.

Dai majaw, myit hkam ja lam hte seng nna tsun shaga mayu ai rai yang myit hpaji hte seng nna atsawm sha sharin hkam la da ai ni hku nna garum mat wa na.

Tatut hkan nang ai lam (Objective)

       Shaning na na ru yak tsim yam ni hkrum wa ai shaloi, dai tsin yam a majaw paw pru wa ai n kaja ai lam ni a jaw e, anhte mung shawa masha ni hte seng ai, hkum hkrang hte seng ai ni hta, hkra machyi wa ai lam ni hpe grau hkam sha wa ma ai. Prat hkrum lam hkawm sa wa ai lam hta, myit mada lam mat mat ai, hkum hkran hta hkam jam lam hkrat sum wa ai lam ni mung grau law wa ai.  

       Dai zawn re myit hta, hkum hkrang hta hkam kaja lam ningra ai ni hpe tsi tsi shing tau la na matu lawan ladan ra a hkyak wa nga ai.

       Myit hte seng nna tatut tsi tsi hkam la na matu ra ai ni hpe, myit hte seng ai machye machyang hpaji hte, mahkrum madup nga chye chyang ai ni kaw nna, dai ra ai ni hpe manu shabrai n la ai sha garum shaingtau mat na re.

Myit hkam kaja lam tsi tsi na (Counseling) matu ra kadawn ai masha ni gaw:

Asak kaba ai dinggai dingla ni, gaida shingkra ni, kanu num ni woi awn ai htinggaw ni, kasha ni, ma ni woi awn ai htinggaw ni, hkum hkrang n kung ai ni……

1. A ten shagu myit daw myit hten nga ai ni
2. Myit ri tsam pu, myit suk myit kahtet nga ai ni
3. Kanawng mazum lam hta ningra tau ai ni
4. Myit mada lam mat taw nga ai ni
5. Masha ni the hkrum shaga ai lam n nga rai taw ai ni
6. Bat lahkawng hta lai rai yup n lu rai jam jau tau ai ni
7. Shani shagu galaw nga ai magma ni hpe myit n sharawng mat ai ni
8. Shawoi hta grau pawt sin daw wa ai, grau myit n galu rai taw ai ni
9. Tsun hpaw dan ra ai ni, madat ya na ra taw nga ai ni

10.Kan bau amu lam lata galaw sa wa na matu, matu n mu byin nga ai ni

Hotline Service (Telephone) hte myit tsi tsi hkam la na matu garum lu ai masha ni hte aten lamang ni hpe tang madun na ga ai.

ဝန်ဆောင်မှုပေးမည့်သူများနှင့်အချိန်ဇယားများ၊ ဆက်သွယ်ရန်နံပါတ်များ

Matsing Hpa:

Ting nang hpe garum la na masha ni hpe tau nau nna (appointment) matut mahkai la nna hkrum shaga ai lam hpe hkam sa wa ga.