Tarahkaw Sara/num Ni A (3 ) Lang Ngu Na Ningja Jat Dabang

" Myitkyina, Manmaw Hte Lashio Sasana Tarahkaw Sara/num Ni A, ( 3 ) Lang Ngu Na Ningja Jat Dabang " Hpe March 7-20,2022 Du Hkra, Myitkyina St.Luke's College Edin, Socio -Pastoral Formation Center Kaw, Nhtoi -7 March 2022 ( 3:00 )pm Ten Tup Hta, Hpaw Hpang Lamang Galaw Let, Sharin Hkam La Nga Sai Rai Ga Ai.

Tara hkaw Sara/num ni, myit masin Wenyi lam hta, n-gun ban la lu na hte,Nawku Hpung sharin shaga ai lam ni hpe, grau chye chyang wa na matu yaw shada let, hpaw ai rai lam hpe mung chye lu ga ai.

7 March,2022 ( Monday )

Ningja jat dabang sa lawm na ni gaw, asak ( 60 ) ning a lawu de na, Chyum Jawng yu nna, Tarahkaw sara magam gun ladaw ( 5 ) ning a lahta nga ai ni, grau nna, Hpyen Yen Dabang (IDP Camps ) hte yak hkak tsan gang ai shara ( Remote Area ) hta magam gun nga ai ni hpe madung da shangun dat ya na lam ni hpe ndau saw shaga dat ai lam hpe mung chye lu ga ai.

Ndai sharin dabang hta, Myitkyina Saradaw Sasana hta, tatut magam gun nga ai Tarahkaw Sara/num ni marai - 28, Manmaw Saradaw Sasana na marai -15, Lashio Saradaw Sasana na marai-7 hpe shangun dat ya na matu , hkyen lajang let, galaw sa nga ai dabang rai nga ai hpe mung chye lu ga ai hte, sharin lamang lakjet hpan 10 sharin sa mat wa na lam hpe chye lu ga ai.