Tara Laika Sharin Lamang - Laban Myit Masa Hte Myit Kaja Tawn Da Chye Ra Ai Lam

Tsaw ra ai ma ni e, dai hpawt matut nna, Missa Hkungga nawng jau nawku ai ten hta anhte gara hku myit masin shamu ai  hpe tsun dan na. (shamu ai ngu gaw myit  masin gara hku nga nga ai hpe tsun mayu ai.)

Anhte a myit masin shamu ai lam masum nga ai:

1.    Misa hta anhte Kawa Karai Kasang hpe shaga ai. Anhte tsun matsun yawng gaw Kawa karai Kasang de tsun ai. Shi hpe chyeju dum ai, ( dai myit nga ai); Shi kaw anhte ap nawng ai ( alu, muk shahpa hte anhte a myit masin hkum hkrang); anhte ra ai hpe mung tang hpyi ai.

2.    Dai myit masin ni hte anhte, Kawa Karai Kasang kaw Yesu Hkristu hku nna sa ai. Kalang ta Karai wa kaw n sa ai. Hkyela Madu Yesu a mying hta shamyet kam hpa let sa ai.

            - anhte a shakawn ai, alu ap ai, kyuhpyi ai ni yawng gaw Madu Yesu lata hta ap ai. Tut nawng Yesu hte rau, Shi hku nna, Shi hta e anthe Kawa Karai Kasang de sa ga ai..

3. Madu Hkristu hku anhte Karai kasang de sa lu na matu, Chyoi pra ai wenyi hta lam mahkra hpe galaw ga ai. Dai ten hta Chyoi pra ai wenyi shaman ai chyeju hkam la ai.

Dai majaw Ma ni e, Misa hkungga nawng jau ai hta Chyoi pra ai Wenyi hta, Yesu Hkristu hku nna, Madu Karai Kasang de anhte tsun shaga, du lu ga ai….

Dai Chyoi pra ai wenyi hta Madu Yesu hku nna, Karai Kasang hte anhte pawng nga lu ai hte chye ju dum nga lu ai re…

 Dai majaw Missa Hkungga gaw Kawa, Kasha, Chyoi pra ai wenyi marai masum ngu ai Trinita Karai Kasang amu galaw shaman ya nga ai poi rai nga ai..

okay …dai myit masin hte daw jau akyu hpyi ai gaw “Laban myit masin” ngu ai.

Bai dum la na gaw…Tara lam shi hta “laban nhtoi hpe shachyoi shapra u” nga ai hpe dum ga..yaw…Shawng ningnan tinang a myit masin hpe dai jaw ai myit masin hte shang lawm akyu hpyi ai gaw Laban hpe shachyoi shapra ai re..

Ma ni e, dai majaw maju jung simsa ai hte laban misa hpe shang lawm ga i..

Dai jaw ai myit masin hte gara hku galaw nga ai hpe du na laban hta bai sharin ya na…