Tara hkaw Sara Magam Gun (50) Ning Hpring Sara Kaba Pawlu Nhpum Zau Krang a Jubali Poi Galaw

Shatapru Jau Ginwang, Nawng Nang, Rosana Sara Gaiwang kaw shanu nga ai Sara Kaba Pawlu Nhpum Zau Krang hte Sara Jan Jawdoi Lu Nan yan a Tara Hkaw Sara Magam Gun (50) ning hpring Ja Jabali Poi hpe Nawng Nang, Rosana Mare, San Pawlu Nawku Jawng hta January 15, 2020 bat 2 ya shani galaw lai wa sai.

Sara kaba Pawlu Nhpum Zau Krang gaw 1970 ning January shata 10 ya shani kawn, Wa Saradaw Wa Saradaw How shatsam dat ai hte maren, Tara hkaw Sara magam lit hpe galaw hpang wa ai rai nna, Kachyi Htu Jau Ginwang Tara hta Tara hkaw sara magam lit gun hpai ai ten Nat jaw htinggaw (35) hpe Kahtawlik Makam Masham hpung de jashawn la lu nna, Jau ni a ahkang hte hkristan dinghku (20) hpe hkung ran ya sai hte marai 80 jan hpe Kashin kamun hkam ya lai wa sai re lam chye lu ai.

Sumpra Bum Jau Ginwang, Kachyi Htu Jau Ginwang hte ya shanu nga ai Shatapru Jau Ginwang, Shwe Zet, Nawng Nang Rosana Mare ni hta magam gun lai wa nna, shi a Jubali Poi galaw ai Rosana Mare na San Pawlu Nawku Jawng wang hpe lu la hkra shakut lai wa ai Sara rai nga ai.

Kasha marai 8 hte kashu 15, shi 1 lu sai rai nna, ya ten asak 75 ning hpring sai rai tim Karai Magam Bungli Tara Hkaw Sara magam lit hpe matut gun hpai nga ai rai nga ai. St.Joseph Mama hpung hta magam gun nga ai Mama Treza Labang Ja Nan gaw Sara kaba Pawlu Nhpum Zau Krang a kashu rai nna, Jan.Mahta Nhpum Ja Bawk hte Sara Labang Brang Awng yan a kasha rai nga ai.

Jabali Poi Missa hta Ginwang up Wa Jau Peter Malang Nawng Maw hku nna mungga htawn ai hta, Karai Magam gun langai mi mung nnga ai Amyu ni gaw dingnye lu ai amyu, Mau dung num, La chyasi ni re lam, matut nna Karai Magam gun nga ai Amyu ni mung matut gun ai Amyu masha ni, makam masham hkringhtawng dagraw la ai masha ni tai ra ai lam htawn tsun lai wa sai.

Thomas