Synod Zuphpawng Hta Amezon Ginra Hkan Shanu Nga Ai Buga Masha Ni A Lam Madung Bawngban Na

Synod hkumra hpawng kaba a ahkyak kri madung gaw Amezon ginra hta shanu nga ai Buga masha ni a lam rai na re, nga nna Synod hkumra hpawng  hte seng ai tsun shaga na lit nga ai Saradaw ni kaw nna tsun dat nga ai.

Hkumra hpawng hte seng nna bat langai ya shani nam bat langai lang ngu na shiga dap ni hpe tsun sang lang lam galaw ai hpang shaloi lahta na zawn tsun dat ai lam rai nga ai.

Saradaw David Martínez De Aguirre Guinea tsun ai hta, “ndai hkumra hpawng kaba a ahkyak kri madung gaw Amezon ginra hta shanu nga ai buga masha ni nan rai nga ai, shanhte hpe jahpai nna kaga lam ni hpe bawng ban na matu nrai, tsun shaga bawng lam ni yawng a ahkyak madung gaw shanhte nan rai nga ai majaw shanhte a nsen, shanhte a hkam sha lam ni hpe madat ya na matu grai nan ahkyak nga ai”

nga nna tsun dat nga ai.

Amezon ginra hta sasana magam gun nga ai Mama Alba Teresa Cediel Castillo tsun ai hta gaw, “Amezon ginra na buga nga baw sang amyu shayi sha ni a gawng malai hku nna mung, Amezon ginra hta sasana magam gun nga ai Mama ni a gawng malai hku nna mung ndai hkumra hpawng kaba hta shang lawm na ahkaw ahkang lu ai majaw grai nan kabu nga nngai, Amezon ginra na mayu shayi sha ni hte sasana magam gun nga ai Mama ni a yak hkak lam ni hte seng nna ndai hkumra hpawng kaba kaw nna lama ma mahtai shapraw ya nah pe myit mada ai,” nga nna tsun dat nga ai.          

French Guyana kaw na Saradaw Emmanuel Lafont tsun ai hta gaw, “Amezon ginra hta shanu nga ai buga nga baw sang masha ni malawng maga gaw shanhte hpe kadai n lakawn kam ai, kabai da ma ai, ngu ai masa hkam sha nga ma ai, shanhte a htunghking maka kumla ni mung mat hkoi ma wa nga ma ai, dai re majaw Amezon ginra na buga nga baw sang masha ni a matu ndai hkumra hpawng kaw nna lama lama mahtai shapraw ya lu na re, ngu myit mada let grai kabu myit dik nga nngai,”

nga nna tsun shapraw dat nga ai.

Ndai hkumra hpawng laman, shani shagu tsun shaga bawng ban ai lam ni hpe tsiga dap ni de ya na zawn shat sun sang lang shana ya ai lam ni dingrun galaw mat wan a re ai lam chye lu ga ai.

Ga gale : Fr.Bernard Dashi Tang Ji

Source : Vatican News

Add new comment

9 + 4 =

Please wait while the page is loading

Synod Zuphpawng Hta Amezon Ginra Hkan Shanu Nga Ai Buga Masha Ni A Lam Madung Bawngban Na | Radio Veritas Asia

Error

The website encountered an unexpected error. Please try again later.