Shata Mi Kalang Galaw Ai Laiza Jau Ginwang Kata Na Ramma Missa Hkungga

Shata mi hta kalang lang galaw ai Laiza Jau Ginwang Kahtawlik Ramma ni a  (15) Lang na Ramma Ginlung Missa Hkungga hpe 2019 January 5 ya, shani 10:00Am ten, Dumhpawng Zup Alen Bum Hpaji Jawng hta galaw lu sai lam chye lu ai.

Ginlung Missa Hkungga hpe Ningtau Ginwang up Wa Jau Columban Labang Lar Di nawng jau ya ai rai nna, Ramma ni marai 95 tup sa du shang lawm lai wa ma  ai.

Ya na zawn shata mi hta kalang Ramma Ginlung Missa Hkungga woi galaw ai lam a yaw shada ai lam gaw, Ramma ni ten shagu, shara shagu Karai Wa hte sak hkrung hkawm sa chye na matu, Ramma ni shada da hkrum zup let grau nna hku hkau lam lu na matu, Makam masham hpe manu shadan nna sak hkrung hkawm sa na matu re ai lam chye lu ga ai.

N-dai Ramma Missa hpe Shata a Shawng na bat laban hpang Kru ya shani  10:00 AM aten hta galaw ai rai nna dai aten hte n shai ai sha kahtawng langai ngut yang langai rai nna shata shagu galaw nga ai re lam, Du na February shata na Ramma Missa hpe praw 2 bat hpang Kru ya shani Laiza lawk (1), Wai Chyai IDP Kahtawlik Nawku Jawng kaw galaw na re ai lam chye lu ga ai.

Lai wa sai Ramma Missa ni hpe  Laiza Jau Ginwang kata na  Laiza Hkristu Hkawhkam Nawku Jawng, Maisak Pa, Já Htu Kawng, N Hkrut Kawng, Je Yang Hpyen Yen, Hpun Lum Yang hpyen yen, Laisin Bum, Sha-it Yang Hpyen Yen hte Dum Hpawng Zup hpaji Jawng ni kaw galaw lai wa sai lam Wa Jau Lar Di tsun ai hte maren chye lu ga ai.

 

Thomas Mung Hpan / John Seng Tu

Add new comment

5 + 7 =

Please wait while the page is loading

Shata Mi Kalang Galaw Ai Laiza Jau Ginwang Kata Na Ramma Missa Hkungga | Radio Veritas Asia

Error

The website encountered an unexpected error. Please try again later.