Shadau Jau Ginwang Kaw Holy Childhood Sasana Ma Kaji Ni A Feast Day Poi Galaw

Missa Hpawng hta mu lu ai Holy Childhood ma ni

Hkungga tsawra ai shiga madat nu wa hpu nau ni, lai wa sai bat 3 ya, December shata praw 4 ya shani gaw Myitkyina Saradaw Ginwang kata Wa Jau nnan langai bai lu la jat sai rai nna, Jau shatai poi hpe shawng de n-galaw ga ai Uma shagawng Bumga, Mali Nmai Wa Lawng, Shanglawt uphkang ginra, Kachyi Htu Mare hta labau shang langai lang hku nna awngdang ai hku galaw la lu saga ai rai nga ai.

Ndai Mali Nmai Walawng ga gaw, anhte a Jiwoi Jiwa ni nga pra hkrat wa ai shara rai nna, lai wa sai ten Mung shawa Mare masha ni law law shanu shingbyi nga ai shara rai nga ai.Raitim ndai shara de hkawmsa yak ai hte rawt jat galu kaba lam, gaw sharawt lam hpaji lam ni kaga lam shagu hta hpanghkrat ai lam ni a majaw Mare masha ni Layang ga de n-gaw htawt wa ai ni law nna dai ni na ten Mare masha nnga wa sai hte chye chyang ai ai masha arang nnga majaw magam bungli langai hpe rau jawm galaw na matu grai yak la nga sai re.

Dai zawn rai yak hkak ai lapran hta Wajau Paul Zinghtung Htoi Naw a Jau Shatai Poi hpe grai hkik hkam ai hku galaw lu ai gaw dai shara de na Hpung myitsu kanu kawa ni, Mung up du Salang ni  hte shawa masha ni a  shakut shaja ai hta Karai Kasang garum ya ai majaw rai nga ai.

Ya na zawn Jau poi galaw  lu na matu Ginwang up Wa Jau langai hku nna lam shagu hpe matsun madun galaw mat wa ai  Kachyi Htu Ginwang up Wa Jau Nhpawt Seng Lat Hte Poi Shabyin Shatai Komiti ni, poi de sa du shanglawm ai ni hpe RVA kawn san htai galaw da ai hpe shiga madat ni na chye lu na matu shapoi dat ga ai.

Add new comment

15 + 0 =