Sasana (500) ning hpring masat poi gaw Karai kasang a tsawra ai lam hpe masat galaw ai poi rai na re, nga nna Philippines mungdan saradaw ni tsun dat nga ai (09 Oct, 2019)

Galaw na lajang nga ai, Sasana (500) ning hpring masat poi gaw Karai kasang a tsawra ai lam hpe masat galaw ai poi rai na re, nga nna Philippines mungdan saradaw ni tsun dat nga ai shiga

Galaw na lajang nga ai, Philippines mungdan de Kahtawlik sasana du shang wa ai shaning (500)  ning hpring masat poi gaw Karai kasang a tsawra ai lam hpe masat galaw ai poi rai na re, nga nna Philippines mungdan Kahtawlik saradaw uhpung rapdaw ningbaw saradaw kaba Romulo Valles tsun dat nga ai. Lai wa sai laban shani Davao mare na St. Mary of hte Perpetual Rosary ngu ai nawku htingnu hta galaw ai Missa hkungga hta lahta na zawn tsun dat ai lam rai nga ai.

Saradaw kaba Romulo Valles tsun ai hta, “Anhte a mungdan Colony miagan up hkang ai npu hta taw lai wa ai ngu ai lam gaw mungdan a labau rai nga ai, grai nan myit machyi hpa mahkrum madup rai nga ai. Raitim mung anhte Hkristian ni hku nna makam masham chyeju kumhpa lu la ai lam hpe poi masat galaw ra ga ai. Nhkru ai nshawp nkap ai lam ni hpe anhte hkrum kadup lai wa ga ai raitim, Karai kasang a tsawra ai lam gaw anhte hte dingrun nga nga ai, anhte hpe tsawra ai karai kasang hpe chyeju dum shakawn shagrau lu na matu makam masham chyeju kumhpa ngu ai hte, makam masham ningmu anhte hta nga ra ga ai, dai re majaw 2021 ning hta (500) ning hprang sasana shang wa ai masat poi kaba galaw na lajang nga ga ai rai nga ai. Ndai poi gaw Madu hte rau hkaw sa ai, Madu hta bawng ring galu kaba wa ai, Madu hpe kam sham ai anhte a makam masham grau ngang kang wa ai lam ni hpe masat galaw ai poi rai nga ai,” nga nna saradaw kaba Romulo Valles tsun dat nga ai lam CBCP Philippines mungdan Kahtawlik Saradaw uhpung rapdaw shiga dap kaw nna shana dat nga ai.

Lai wa sai Oct praw 4 ya shani hta mung ndai (500) ning hpring Jubille poi kaba hte seng nna hkyen lajang ai zup hpawng hpe Cebu mare kaba hta galaw lai wa ma ai. Cebu mare kaba gaw Philippines Mungdan a Dingda maga na mare kaba langai rai nga ai hte, mungdan de makam masham shawng nnan du shang wa ai shara mung rai nga ai majaw labau ahkyak ai shara rai nga ai hte poi a ahkyak ai lamang ni hpe mung Cebu mare kaba hta galaw na rai ma ai re, nga ai.

1521 ning hta Spain Colony ni hte rau Spain myu sha sasana magam gun ni Philippines mungdan zinlawng de du shawng hpang wa ai rai nga ai. Dai re majaw Colony labau hte makam masham labau gapyawn nga ai, raitim mung, galaw na lajang nga ai (500) ning Jubilee poi gaw Colony maigan up hkang lam hte seng ai lam nrai, makam masham lu la ai shaning (500) hpring hpring masat poi she rai nga ai, nga nna Saradaw kaba tsun ai lam rai nga ai.

Ndai makam masham lu la ai shaning (500) ning hpring Jubilee poi kaba galaw na matu, lai wa sai 2013 ning kaw nna Philippines Mungdan kahtawlik saradaw uhpung rapdaw kaw nna daw dan let shaning law law matut manoi aten la nna hkyen lajang nga ai poi lamang kaba rai nga ai.

 

Source - CBCP, Philippines

#churchnews #rvakachinservice #aungnanmkn

 

Add new comment

7 + 1 =

Please wait while the page is loading

Sasana (500) ning hpring masat poi gaw Karai kasang a tsawra ai lam hpe masat galaw ai poi rai na re, nga nna Philippines mungdan saradaw ni tsun dat nga ai (09 Oct, 2019) | Radio Veritas Asia

Error

The website encountered an unexpected error. Please try again later.