Saradaw Jau Ni A Matu Shim Lam Lit La Ya Na Re Nga Nna Philippines Mungdan Shim Lam Pya Da Du Tsun

Jau ni / Photo:newsinfo

Philippines Mungdan Saradaw, Jau ni nkau mi, asak dan kau ya na nga nna jahkrit hkrum ai lam ni byin pru wa ai hpang, Jau Saradaw ni a matu shim lam lit la ya na lam Philiipines Mungdan asuya kaw nna tsun shapraw dat nga ma ai.

Mungdan a shim lam pyada du kaba Oscar Albayalde tsun ai hta, “ya na zawn jahkrit shama hkrum nga ai Saradaw, jau ni hpe shim lam lit la ya lu na lam hte seng nna Manila Saradaw kaba Cardinal Tagle hte mautut mahkai jahkrum bawng ban lam ni galaw nga ai, Jau Saradaw ni a shim lam hte seng nna lit la ya na, jahkirt shama lam shiga ni hpe sagawn maram ding lik ya ai lam ni galaw ya na lam, Cardinal Tagle hpe ga sadi jaw da sai,” nga nna tsun dat nga ai.

Philippines Mungdan gumsan magam Rodrigo Duterte a ka-ni nang hpam malu masha kasat shamyit masing hta, atsawm dinglik sagawn ai lam ni n galaw ai sha masha sat sharu ai lam galaw ai hpe ja ja tsun ning hkap ai lam ni dingrun galaw nga ai Kalookan ngu ai Saradaw ginwang na Saradaw Pablo Virgilio Da­vid hku nna gyan sat kau na nga nna jahkrit hkrum lai wa ai re, nga ai.

Lai wa sai shaning hta Jau lahkawng sak hkrum lai wa ai sai hte, kaga langai mi mung Missa hkungga nawng ya maw nga ai aten sinat hte gap sat hkrum lai wa ai. Laguna ginwang, San Michael Jau ginwang na ginwang up jau Rey Urmeneta mung lai wa sai shaning June shata hta, sinat hte gap hkrum nna hkala hkrum lai wa yu ai lam nga ai.

“Yan a zawn hkrit tsang hpa masa hkrum kadup nga ai ahkying aten hta nawku hpung hte, hpung masha ni hpe garum la na nga ai lam hpe gaw kabu gara hkap la ga ai, raitim mung, Saradaw jau ni yawng jahkrit hkrum nga ai nre ai majaw, asuya kaw nna shim lam lit la ya na lam hpe hkap la na nhkap la na gaw seng ang ai Saradaw, Jau ni tinang nang daw dan la ra na lam rai nga ai” nga nna Philippines Mungdan saradaw rap daw rung, shawa matut mahkai lam hte seng ai Committee lit hkam jau, Jau Jerome Secillano tsun dat nga ai lam Ucan shiga dap Internet shiga laika hta ka shana da nga ma ai.

Source : ucannews

Add new comment

2 + 3 =