Sarabyin Tai Wa Ai 6 Ning Ladu Hkrum Nhtoi Hta, Vatican Magam  Gun Ni Wa Sarabyin Hpe Hkrum Shagrau Lam Galaw

Pope Francis

Wa Sarabyin Francis a Sarabyin tai wa ai 6 ning ladu hkrum nhtoi March shata 13 ya jahpawt hta, wa sarabyin hte rau Lu Sha gam ladaw wutsawk myit sumru akyu lam galaw nga ai Roman Curia Nawku Hpung ginjaw Vatican magam dap kaw nna magam gun ni Wa Sarbyin hpe hkrum shagrau lam galaw lai wa ma ai.</p>

Jahpawt Missa hkungga garai nhpang shi yang, Vatican magam dap magam gun ni yawng a gawng malai hku nnna Cardinal Giovanni Battista Re Wa Sarabyin Francis hpe shagrau mungga shaga la lai wa ai.

Cardinal Giovanni Re tsun ai hta, “Wa Sarabyin a Sarabyin tai wa ai 6 ning ladu hkrum nhtoi shani hta, ya na zawn Wa Sarbyin hkum nan nawng jau ya ai Missa hkungga shang lawm lu nga ai majaw grai nan myit pyaw kabu gara nga ga ai lam yawng a gawng malai Wa Sarbyin hpe tsun hpaw dan mayu nngai, makam masham shangang shaking ya ai, myit hkrum gahkyin lam a npawt nhpang tai ya nga ai, masha shagu hpe sum sing Mungdan de lam woi matsun ya nga ai Wa Sarbyin a magam bungli hpe madu matut nna garum lam woi ya nga u ga, ngu nna Wa Sarabyin a matu anhte akyu hpyi ya ai lam hpe mung tsun shapraw dan mayu ga ai, ” nga nna asak 85 ning rai sai Cardinal Giovanni Re tsun dat nga ai.    

Argentina myu sha Cardinal Jorge Mario Bergoglio hpe Kahtawlik Nawku Hpung a ning baw Sarabyin tai na matu lata dang da lai wa ai gaw 2013 ning March shata 13 ya shani rai nga ai. Ya asak 82 ning rai sai Wa Sarabyin Francis gaw nam bat langai ngu na America dan kaw nna Sarabyin tai wa ai, nam bat langai ngu na Jesuit Jau uhpung kaw nna Sarabyin tai wa ai Wa Sarbyin, Italian amyu sha san pra ai Francis Asisis a amying shing teng hpe hkam la ai nam bat langai ngu na Sarabyin rai nga ai, nga anna Vatican shiga dap kaw nna shana dat nga ai.

Translated – Fr.Bernard Dashi Tang Ji

 Source: Vatican News

Add new comment

4 + 10 =