San Francis Xavier Mama Wuhpung Ni A Feastday Hte Jubali Poi Galaw La Lu Sai Shiga

Hkungga Tsawra Ai Nuwa Ni, Dec 3 Ya Shani Gaw, San Pra Ai Francis Xavier A Poi Nhtoi Rai Nga Ai. Dai Hte Maren San Francis Xavier Mama Wuhpung Ni A Feastday Hte, Jubali Poi Lamang Hpe, Myitkyina Njang Dung, St Paul Nawku Jawng Wang Hta, 3 Dec 2019 Ya Jahpawt 6:30am Ten Hta, Missa Hkungga Nhpang Shi Yang, Mama Kaba Galau Bawm Win Kaw Na, Jubali Madu Ni A Labau Kadun Hpe Hti Shana Ya Let, Wajau Francis Lum Dau Woi Awn N-na, Missa Hkungga Nawng Ya Ai Hte, Jubali Poi Mung Matut Manoi Galaw La Nga Ai Rai Nga Ai, Jubali Madu Ni Gaw, Marai Mali Rai Nga Ai Hta Na,  Lung Seng Jubali Madu Rai Nga Ai – Ayeyawady Ginwang, Ma-u- pyin Myo Kaw Na, Mama Leonie Marie, Bai, Gumhpraw Jubali Madu Ni Rai Nga Ai, Mama Julietta Nhkum Hkawn Lung Hte, Mama –Anita Ndau Ja Awng Ni Kaw Na, Jubali Chyeju Missa Hkungga Hte, Shagrau Sha-a Lmang Ni Hte Hkalum Hkam La Lu Sai Rai Nga Ma Ai, Dai Hta Jubali Madu Rai Nga Ai Mama Merry AlCi Doi Gaw  Magam Bungli A Majaw Jubali Poi Hta Nshang Lawm Lu Ai Lam Hpe Mung, Chye Lu Ai. Jubali Poi Shagrau Sha-a Lamang Matut Galaw Ai Hta, Wajau Leo Kaw Na , Jubali Cake Muk Shaman Ja Let, Mama Ni,Jawng ma Ni A Shagrau Mahkon Ni,  Bai, Nawku Hpung Masha Ni A, Magun Shat lit Ni, Shagrau Kum Hpa Ni Hte Wuwu Didi Hkap Tau La Let, Jubali Madu Ni A Chyeju Dum Ga Ni Shaga La Rai Nna, Manap Lu Sha Hpe Jawm Sha Let, Awng Dang Ai Hku Galaw La Lu Saga Ai. Bai Gumhpraw Jubali Madu Rai Nga Ai, Mama Julietta Nhkum Hkawn Lung Kaw Na Mung Shi A Hkam Sha Lam Ni Hpe Ya Na Zawn Hpaw Tsun Da Nga Ai.

#localnews

#st.paul #njangdung

#rvakachinservice