San Columban Ginsup Poi Shingjawng hpang wa sai Shiga!

San Columban Ginsup Poi Shingjawng hpang wa sai Shiga!
Myitkyina Jau ginwang Ramma ni a San Columban hpe shakawn shagrau ai Ginsup Shingjawng hpaw poi hpe Myitkyina Edin San Luka Chyum College jawng wang hta 21/10/2019 ya shana maga 1:00pm ten galaw lai wa sai.Ndai hpaw poi hta Myitkyina Saradaw ginwang Lit hkam Sagurem wa Wa Saradaw Francis Daw Tang,Wa jau Msgr. Francis Zukdaw Lum Dau,Wa Jau Peter Hka Awng Tu hte Wa jau ni marai (5) Mama ni Tara Sara/num ni lawk shagu na kanu kawa ni,Ramma ni hte ndai ginsup poi hta shanglawm shingjawng lawm na Ramma ni marai (400) daram sa shanglawm lai wa sai.Hpaw hpang poi shani Nam Jim hte (CSAM ) hpung ni Gawdin shingjawng hpang wa ai re.
Myitkyina jau ginwang Ramma ni a San Columban hpe shakawn shagrau ai Gawdin ginsup poi hpe October 21 kaw nna San Columban poi November 23 ya shani du hkra Myitkyina jau ginwang kata mare lawk (12) na ramma ni sa du shanglawm shingjawng sa wa na rai nga ai.Ndai San Columban Poi ginsup shingjawng poi hta dinghku num dinghku la ni nlawm ai sha ramma ni san san sha ginsup mat na re lam mung chye lu ai. Myitkyina Jau ginwang, Ramma ni a shaning shagu galaw ai San Columban hpe shakawn shagrau ai Ginsup poi hpe 2017 hte 2018 ning hta jahkring da nna ya bai galaw sa wa ai rai nga ai.