Ramma Ni a Ga Tsun Shing Jawng Poi Galaw Sa Wa Na Shiga

Myitkyina Saradaw Sasana hta Ramma ni a Ga tsun shingjawng poi (Debate ) hpe 2018 ,October shata 13 ya shani 10:00 AM ten hta Myitkyina San Columban Nawku Jawng Wang, htap masum mungbawng htingnu hta galaw sa wa na re lam chye lu ai.Ndai shingjawng poi hta Myitkyina Jau Ginwang Ramma ni, Shatapru Jau Ginwang Ramma ni, San Luka Kawlik Chyum Jawng ma ni hte  Maina St.Joseph hpyen yen Ramma ni sa du shingjawng mat na re.

Ya na zawn shingjawng ai gaw Myitkyina Sasana hta Ramma ni Chyoi Pra san Seng wa nhtawm, Mung masa,myit masa lam ni grau myi hpaw dumhprang wa nna hkaw tsun hpaji lam ni hta kung kyang wa lu na matu yaw shada nna galaw ai re lam chye lu ai.

Ga tsun shingjawng mat wa na ga baw ni gaw (1)Jinghpaw mungdaw a matu htuk manu dik mung masa lam gaw jet ai Ferderal re (shing nrai) Awm Dawm re, (2) hta gaw Garai n hkungran yang num la hkum shan kanawn mazum ai lam gaw mara re (shing nrai) mara nre, (3) hta gaw Jinghpaw mung kata na hpyen yen camp ni hpe pat kau ra ai (shing nrai) Nmai pat kau ai ngu ai ga baw ni hpe shingjawm mat na re lam chye lu ai.

Shingjawng poi hta Myen Ga hte Jinghpaw ga ndai lahkawng hta na tinang grau chye tsun ai ga hpe lang nna tsun shaga mai ai lam ,shanglawm shingjawng na wuhpung ni hpe Lap Mun Kru (60000) hpra shagrau mat na rai nna No (1) lu ai hpung hpe gaw Lap Sen Masum (300,000) ,No (2) lu ai ni hpe gaw Lap Sen mi Mun Manga (150,000) shagrau mat na re lam chye lu ai.

Myitkyina Sasana hta ya na zawn Ga tsun shingjawng poi galawai lam gaw shawng nnan lang  re lam mung chye lu ai.

 

John Mung Hkrang

Add new comment

1 + 0 =

Please wait while the page is loading