Philipine Mungdan, Manila Jau Ni Philipine Mungdan Kata Ra Lata Shingjawng Poi A Matu Akyu Hpyi

Manila kaw na Jau ni lusha gam akyu hpyi hpawng galaw ma ai lam, dai akyu hpyi hpawng lamang gaw du na May shata hta galaw na ra lata lamang hpe kaja dik galaw sa wa lu na matu re lam chye lu ai.

Wan 65.5 re ai Filipino mung shawa masha ni du na May 9 ya shani, mungdan gumsan magam (president), ningtau gumsan magam (vice president), Tara gaw de hpung (lawmakers) 300 hte buga Ayuya up hkang shara 18,000 a matu ra lata ai lam galaw na re lam chye lu ai.

Mungdan kaga hkan nga hkawm ai Philipine dai daw masha wan 1.7 re ai Philipine masha ni mung ndai ra lata ai hta ra lata maisau bang na rai ma ai lam chye lu ai.

Akyu hpyi lamang hpe gaw lusha gam, lam hkawm nna akyu hpyi na ai rai nna, february 17, bat mali ya shani hta galaw ai re lam chye lu ai.

Ndai ra lata poi hpe atsawm sha galaw lu na matu ngu ai gaw teng man rap ra ai hte simsa lam hpe jaw ya lu ai ningbaw ningla ni hpe lata lu na matu yaw shada nna akyu hpyi lamang hpe galaw ai re lam chye lu ai.

Missa hkungga hpe gaw Manila Cathedral of the Immaculate Conception nawku htingnu kaba kaw, jahpawt daw nawng jau ai rai nna Ginwang up Cardinal Jose  woi awn la ai re lam chye lu ai.

By Fr. Patrick Gawmaw Hkawng Yae

#vaticannews

#rvakachinservice

https://www.vaticannews.va/en/church/news/2022-02/philippines-election-manila-clergy-penitential-walk-prayer-voter.html