Nuclear Wanbawm Lak Nak Chyam Bra Lam Nnga Wa Hkra Shingdang Da Ai Myit Hkrum Ga Shaka Hpe Shangang Shagrin Lu Hkra Galaw Na Matu Vatican Tsun Shadut Dat Nga Ai Shiga

Nuclear-explosion / Photo:Credit

Ai Shiga

Nuclear wan bawm lak nak lang ai a marang e shinggyim masha ni a ntsa byin hkrum wa lu mai ai tsin yam kaba hpe tsun madi madun let, NU Mungkan rap daw kaw nna woi awn lajang da ai Nuclear wan bawm lak nak shing dang lam myit hkrum ga shaka hta mungdan ni yawng shang lawm ta masat htu ai lam galaw ga, nga nna tsun shadut ai lam Vatican bai galaw dat nga ai.

Nuclear wan bawm lak nak ni dawm kau lu lam hte seng nna, New York hta galaw ai UN Mungkan rap daw hkumra hpwng kaba hta, lai wa sai Oct 22 ya shani tsun shaga ai Jau kaba David Chaters a mungga hta lahta na zawn tsun dat ai rai nga ai.Jau kaba David Chaters gaw, NU Mungkan rap daw hte seng ai Vatican dingrun dat kasa Saradaw kaba Bernadito a malai UN Mungkan rap daw hkumra hpawng sa du shang lawm nga ai lam rai nga ai.

Jau kaba David tsun ai mungga hta, “Dai ni Mungkan hta Nuclear wan bawm lak nak 14,000 daram mungdan lahkawng masum a lata hta nga nga ai masa gaw dai ni anhte hkrum nga ai kaba dik ai yak hkak lam nan rai nga ai, Nuclear wan bawm lak nak lang ai lam hpe Kahtawlik nawku hpung hku nna gaw lai wa sai 1943 ning kaw nna dingrun ning hkap ai lam ni galaw nga ding yang rai nga ai. Wa sarabyin Yawhan XXIII kaw nna mung ndai Nuclear lak nak lang ai lam dawm kau na matu lajin ai matsun laika shapraw lai wa yu ai, Lahkawng ngu na nawku hpung a Vatican zup hpawng kaba kaw nna mung masha law law hpe tsin yam kaba hkrum shangun lu ai ndai Nclear lak nak lang ai lam hpe tsep hkawp ning hkap ai lam ndau lai wa ai.

Nucleara wanbawm lak nak ni galaw kyem da nna dai ni hpe zing hkang da lu lam hta ja gum hpraw law law shama nga na malai dai ja gum hpraw ni hpe shinggyim masha ni a rawt jat galu kaba lam, masha law law kaw si hpang gara hkrum ai kaw nna lawt lu hkra shakut galaw ai lam ni hta jai lang na matu grau mai kaja nga ai” nga nna tsun dat nga ai.

UN Mungkan rap daw kaw nna woi awn lajang nga ai Nuclear wan bawm lak nak hte seng ai myit hkrum ga shaka hta, Nuclear lak nak nlang na matu, dai lak nak hte jahkrit shama ai lam n galaw na matu, Nuclear lak nak chyam ding lik ai, rawt jat wa hkra matut sawk sagawn ai lam ni n galaw na matu shing dang da nga ai. Ndai ga shaka hta myit hkrum ta masat htu ai mungdan 50 hpring yang ndai ga shaka tara shang grin wa sana rai nga ai, nga nna Vatican shiga dap kaw nna shana dat nga ai.  

 

Soruce : Vatican News

Add new comment

2 + 14 =