Nicaragua Mungdan Simsa Lam A Matu Hte, Nigeria Hte Mali Mungdan Adawt Kasat Hkrum Lam Ni Hta Asak Si Hkala Hkrum Lai Wa Sai Ni A Matu Akyu Hpyi Ya Ga Nga Nna Wa Sarabyi  Tsun Lajin

Nicaragua Mungdan hta byin pru nga ai mung masa nsim nsa lam mang hkang a matu mung, bai Nigeria hte Mali mungdan adawt kasat hkrum lam hte si hkal hkrum lai wa sai law la ai masha ni a matu akyu hpyi garum ya ga, nga nna tsun lajin lam Wa Sarabyin Francis glaw dat nga ai. Lai sai laban shani, shani ka-ang Angelus akyu hpyi ngut ai hpang san Peter pa kaba hta du hpawng nga ai shawa hpawng kaba hpe lahta na zawn tsun lajin lam galaw dat ai rai nga ai.

Wa Sarabyin tsun ai hta, “Nicaragua Mungdan hta byin pru nga ai mung masa nsim nsa lam mang hkang hte seng nna ran hparan lam galaw lu na matu ahkyak ai tsun shaga bawng ban ai lam ni hpe lai wa sai February 27 ya shani kaw nna galaw ding yang rai nga ma ai, masha yawng a mai kaja ai akyu a matu simsa ai mahtai ni mu tam daw dan lam galaw la lu mu ga matu bawng ban hpawng hta shawng lawm nga ai ni yawng a matu akyu hpyi garum ya nga ai,” nga nna tsun let Nigeria hte Mali mungdan ni hta byin lai wa sai grai mazut ai masa adawt kasat hkrum lam ni hta asak si hkala hkrum lai wa sai law la ai masha ni a matu mung akyu hpyi garum ya na matu saw lajin ai lam wa sarabyin galaw dat nga ai.

Lai wa sai bat kyu ya shani Mali mungdan hta byin lai wa ai sinat hte gat sharu bun ai mabyin hta, Fulani ngu ai baw sang amyu sha ni marai 134 daram gap hkrum, sat hkrum lai wa ma ai, Nigeria Mungdan hta shanu nga ai Fulani baw sang masha ni law law mung sat sharu hkrum nga ma ai shiga ni lai wa sai Febuary shata hkan kaw nna na lu nga ai, ndai zawn sat sharu lam nib yin hkrum nga ai majaw mun lam hte ru ai Fulani masha ni shanhte a mare buga dum nta ni kaw nna hprawng htawt hkawm mat wa masai re, nga ai.      

Asak si hkrum lai wa sai masha ni a wenyi ni hpe Karai Kasang hkap la ya rit ga, hkala hkrum ai ni hpe shamai shatsai ya rit ga, yawn hkyen hkrum nga ai dum nta masha ni hpe Karai Kasang shalan shabran ya rit ga, nhkru ai masha ni a masin salum ni hpe karai kasang gram galai ya rit ga, ng anna Wa Sarabyin akyu hpyi y alai wa ai lam Vaticasn sahiga dap kaw nna shana dat nga ai.

Tranlsated by : Fr.Bernard Dashi Tang Ji

Source: Vatican News