Nawku Hpung Hpe Tsun Jahpyak Mara Shagun Lam Galaw Ai Gaw Yesu Hkristu Hpe Ning Hkap Ai Lam Rai Nga Ai

Nawku Hpung hpe tsun mara shagun lam matut manoi galaw nga ai Philippines Mungdan gum san magam Duterte a ga ni hpe hpa hkum sawn ya mu, nga nna Philipines Saradaw kaba Socrates Villegas tsun dat nga ai.

Philippines Mungdan Saradaw uhpung rap daw a ningbaw u sa mung rai, Lingayen-Dagupan Saradw ginwang a saradaw kaba mung rai nga ai, Saradaw kaba Socrates Villegas a Jan praw langai ya shani tsun shaga ai, shaning nnan mungga hta lahta na zawn tsun dat ai lam rai nga ai.

Saradaw kaba tsun ai hta, “Karai Kasang hpe angawk ai wa re ngu nna tsun, Nawku Jawng sa, Missa hkungga sa lawm ai lam gaw hpa lachyum npru ai lam re, nga nna tsun nga lam ni gaw Madu Yesu hpe ning hpak ai lam nan rai nga ai, dai zawn nga tsun nga ai gumsan magam Duterte a ga ni hpe hkum madat ya mu” nga nna tsun dat nga ai.
Gumsan magam hpe ading tawk mying shatut da ai lam nnga ai raitim, gumsan magam hpe sha-ang nna ka shabra dat ai saradaw kaba ai laika hta “Amyu shayi num sha hpe hkum shan roi rip lam ni tsun nna mani hpa shatai nga ai lam gaw, zai ai lam rai nga ai, dai zawn re ai lam hpe hkum mani lawm mu, dai zawn re ai lam hpe mani lawm ai rai yang tinang mung zai ai masha tai mat na re, nga nna tsun dat nga ai.

Matut nna Saradw kaba tsun ai hta, “Num sha ma ni hpe hkum shan roi rip ai lam ngu ai gaw mani shatu hpa lam nrai, sari nrawng ai tsun shaga lam gaw mani hpa nrai nga ai, amyu shayi num sha ni, grau nna matsan mayn re ai num sha ma ni hpe roi rip lam galoi nmai galaw ai, shanhte hpe hkungga manu shadan ra ai,” ng anna Saradaw kaba tsun dat nga ai.

Gumsan magam Duterte shi naw kaji nga yang shanhte a nta hta bungli galaw ai shangun ma num sha ma langai hpe nse nsa galaw lai wa ai lam hpe mani hpa zawn shatai nna tsun shaga ai lam galaw lai wa ai lam hpe saradaw kaba kaw nna bai htang tsun wa ai lam rai nga ai. Gum san magam a mungga hte seng nna tsun garu ai lam ni byin pru wa ai hpang, majoi shatu shala ai masa tsun shaga ai lam she re, nga nna gumsan magam a tsun shaga lit hkam kaw nna bai sang lang dat ai lam mung galaw dat nga ai.
“Nawku Hpung hku nna sharai ai lam ni n galaw ai rai yang, Nawku Hpung hpe tsun mara shagun ai lam matut galaw nga na re,” nga nna mung lai wa sai Dec 29 ya shani gumsan magam kaw nna tsun dat ai lam mung nga nga mali ai.

“Anhte Jau Saradaw ni ngu ai mung lamu kasa ni zawn tsep kawp mara nkap ai masha ni gaw nrai ga ai, anhte a gawng kya ai a lapran Karai kasang gaw shi a sasana magam bungli yin gam a matu anhte hpe matut jai lang nga ai lam she rai nga ai” nga nna Saradaw kaba Villegas tsun dat nga ai lam Ucan shiga dap Internet laika man hta ka shana da nga ma ai.

Source : ucannews.com

Add new comment

15 + 3 =

Please wait while the page is loading

Nawku Hpung Hpe Tsun Jahpyak Mara Shagun Lam Galaw Ai Gaw Yesu Hkristu Hpe Ning Hkap Ai Lam Rai Nga Ai | Radio Veritas Asia

Error

The website encountered an unexpected error. Please try again later.