Naga Bum Sasana Tho Masum Hta Karai Magam Gun Nga Ai Sara Luka Thung Wa Hte Hkrum Shaga Ai

Naga bum sasana Tho Masum hta Karai magam gun hpai nga ai Sara Thtung Wa gaw kahtawlik makam masham hpe shaning ( 13 ) ning tam nna mu la ai lam tsun dan ai.

Kahtawlik makam masham hpe ra sharawng nna hkan tam ai lam gaw Madu Yesu tsan lwi sun hta hput di nna akyu hpyi ai  zawn lahput hput di let Kawa Kasha ngu udang masat galaw nna akyu hpyi hpang ai hpe ra sharawng ai majaw re.

Sara Luka Thung Wa a lak lai ai lam langai mi gaw kahtawlik makam masham hpe mu tam ai hte rau hpung shang nna  kashin kamun hkam la ai, kalang ta chyum jawng sa lung nna tara hkaw sara magam mung gun hpai mat wa ai daini du hkra rai nga ai.

Sara gaw Naga myusha raitim  Jinghpaw ga hpe daini du hkra atsawm sha lu shaga taw ai gaw chyum laika galoi mung hti ai majaw re nga nna tsun dan ai.

Sara Luka Thung Wa gaw nat jaw prat kaw nna kahtawlik makam masham de shang wa ai lam shi hkum nan tsun dan nna chye lu ai.