Myitkyina Sasana Kaw San Francis Xavier Feastday Poi Galaw

03 December 2018 (Monday) , Myitkyina

San Francis Xavier Feastday poi n-htoi hpe Myitkyina, Manmaw, Lashio hkan magam gun nga ai San Francis Xavier Ma Ma Wuhpung ni kaw nna Myitkyina Njang Dung, San Pawlu Nawku Jawng hta 2018 December 03 ya shani galaw lai wa sai.

Feastday poi nhtoi hte rau Ma Ma Kaba Goretti Lazum Lu Jan, hte Ma Ma Kaba Mary Ema yan a Karai magam gun Ma Ma prat (50)ning hpring chyeju dum Ja Jubilee poi hpe mung shara shagu na Nawku Hpung masha law law sa du shang lawm let Jubilee madu Ma Ma yan hpe shagrau aw law ai lam galaw lai wa ma ai.

San Francis Xavier Feastday poi nhtoi masat hku nna Karai magam gun ni law htam wa lu na matu myit jasu sharawt lamang hpe mung Myitkyina Aungnan San Columban Nawku Jawng wang na, htap masum mung bawng htingnu hta shana de 6:30 pm aten  hpang nna galaw lai wa ai.

Dai lamang hta Ma Ma ni a ka hkrang shala dan ai lam, Myitkyina Aungnan, Njang Dung, PLN na, Boarder jawngma ni a ka hkrang shala dan ai lam,Sumrai hkrang shala dan ai lam ni, yu ngwi ning hkring ni a mahkawn shangwi shapyaw dan ai lamang ni galaw lai wa sai.

Wajau Paul Zau Sham kaw nna mung, shaga la ai lam hte seng ai hpe sakse hkam let n’gun jaw mungga shaga lai wa ai.Ginjaw Ramma magam dap na Ma Ma Bernadette Kinji Pri Ja hte Myitkyina Jau Ginwang na Tara hkaw Sara, Sara Udi Awng Lat yan kaw nna mung Karai a magam gun hpai mayu ai ni law htam wa lu na matu ramma ni hpe myit jasu sharawt, n-gun jaw ai mungga hkaw tsun lai sai.

Julia Ing / Thomas