Myitkyina Jau ginwang, Ningtau ginwang Up Hkalum hte Shakram Poi Galaw

Fr.Patrick Hkawng Yae & Fr.Patrick Zau Jat Awng

Monday, February 06, 2023

Myitkyina Jau ginwang,Ningtau ginwang up lit magam hpe lahkawng ning jan magam gun hpai lai wa sai Wa Jau Patrick Nawlang Zau Jat Awng hpe chyeju dum shakram ai hte Myitkyina Jau ginwang,ningtau ginwang up lit magam hpe bai gun hpai sa wa na Wa Jau Patrick Gawmaw Hkawng Yae hpe hkalum la ai lamang hpe 06/ 02/ 2023 ya jahpawt 10:00AM ten Myitkyina San Columban Cathedral Nawku Jawng Wang, San Thomas gawk nu hta galaw lai wa sai.

Wa Jau yan hpe chyeju dum shakram ai lam hte hkalum la ai lamang hta Myitkyina Saradaw ginwang Channcellor Wa Jau Dr.Joseph Gawlu Yung Wa, Myitkyina ginwang up Wa Jau John Galang La Raw, Wa Jau Peter Malang Nawng Maw hte Jau ginwang kata na Tara Sara Komiti,Mungbawng, La Hpung, Num Hpung, Ramma hpung hte hpung masha ni marai latsa (100) jan sa du shanglawm lai wa sai.

Wa Jau Patrick Nawlang Zau Jat Awng gaw RVA JINGHPAW NSEN SHAPOI DAP lit hkam hpe bai gun hpai sa wa na rai nga ai.