Myit Rum Yungwi Shakawn Hkungga Hpawng Galaw

Myit rum yungwi shakawn hkungga lamang / Sumla : Labang Doi Wawm

Wunpawng Myu lakung ni yawng Karai Kasang hpe shakawn ai lam hta myit hkrum lam hpe madun ai hku nna Myitkina Manau Wang,Majoi Gawk Nu kaw November (26- 27) ya laman myit rum yu ngwi shakawn hkung ga hpawng galaw lai wa sai rai nga ai.

Karai kasang hpe shakawn ai hta yawng myit hkrum wa na matu Myitkyina Muk lum kata hta nga ai makam masham hpung (27) kaw na Wunpawng Myu sha ni yawng pawng hpawm let karai kasang hpe shakawn hkungga ai lam re hte lamang hta Jinghpaw Wunpawng yu ngwi ning hkring ni law law sa du shang lawm ai lam na chye lu ai.

Wunpawng Amyu lakung ni Hkristu a man hta yawng myit hkrum zin lum na lu matu yaw shada let ndai lamang galaw ai re lam media lit nga ai Sara Maran Awng Mai tsun ai.

Lai wa sai shaning hta mung ndai zawn Wunpawng Myu sha ni myit hkrum gahkyin gumdin let Karai Kasang hpe rau jawm shakawn ai ' Amyu sha ni a Shakawn Hkungga ' Praise and Worship Yungwi Pyin ra hpe galaw ai hta masha marai (1070) jan sa du lawm lai wa sai lam chye lu ga ai

 

Ref: Kachin Net

Thomas Mung Hpan

Add new comment

2 + 4 =