Myen Mung Ting Na AsIPA ( SCC or BEC) Hte Seng Ai Zuphpawng Galaw

30 May 2019, Yangon

Myen mung ting na Asipa ( Asian Integral Pastoral Approach ) ngu ai Asia htung Asia lai hte Sasana galaw ai  SCC (Small Chritian Community ) or BEC (Basic Ecclesial Community) hte seng ai zuphpawng hpe Yangon kaw na Myen Mung Saradaw uhpung a rung CBCM kaw dai ni May shata 30 ya shani galaw ai lam chye lu ai.

Zuphpawng hta Myitkyina kaw na Wajau Gregory Lazum Naw Din hte Wajau Peter Hka Awng Tu  hte Lashio kaw na dakkasa  langai sa du shang lawm lai wa ma ai.

National AsIPA Director Jau Stephen Ah No tsun ai hta Saradaw Ginwang shagu kasi da mai ai madang (Model) scc hpe ta tut galaw na grai ahkyak ai lam, shara shagu hkan galaw nna tang ndu ai hku rai yang awng dang lu  na yak ai, awng dang na matu Ginwang Up Jau ni hku nna n-gun jaw ya na grai ahkyak ai, dai shaloi sha mai byin ai lam”  tsun lai wa ai.

AsIPA ngu ai gaw  Korea Mungdan Seoul muklum hta Ginjaw ai rai nna Asia Saradaw uhpung FABC n pu na, Office of Laity and Family ngu ai Jau Ma Ma n re ai yu maya hpung masha hte kun ding hku hte seng ai rung kaw na hpaw tawn da ai rai nga ai.AD 3000 ning hta Asia Mungdan kata na Nawku hpung a yaw shada myit shingran da ai yawng shanglawm ai Nawku Hpung, bung pre ai wuhpung wuhpawng ni  byin tai wa na lam hta ra nga ai machye machyang lam ni hpe garum ningtum  sharawt  sa wa lu na matu hte sharin achyin shaman shakyang ya  ai lam ni galaw na  matu yaw shada let hpaw tawn da ai re ai lam chye lu ai.

 AsIPA kaw nna  Asia Mungdan kata na SCC (Small Chritian Community)  ngu ai Hkristan Wuhpung Kaji shing nrai BEC ( Basic Ecclesial Community) Ningpawt Ninghpang Hkristan uhpung kaji ni a lapran hta ra ai atsam ningja ni  sharin a chyin ningdat hpaji jaw ai lam hpe galoi mung galaw nga ai rai nga ai.

Myitkyina Jau Ginwang lit hkam Tara hkaw Sara ni a SCC sharin hpawng hpe  du na July shata hta 3 ya tup galaw na daw dan da sai lam Wajau Peter Dr.Hka Awng Tu tsun ai hte maren chye lu ai.

Thomas