Myanmar Mungdan, Chyum Mungga Sasana Dat Kasa ni a ladu hkrum ,hkrum zup hpawng hte myit sharawt sharin hpawng galaw 

Myanmar Mungdan ting na Chyum Mungga Sasana Dat Kasa ni a ladu hkrum ,hkrum zup hpawng hte myit sharawt sharin hpawng hpaw hpang lamang hpe dai ni October shata 15 ,2018 ya shana maga Myitkyina, San Luka Hkawlik Jawng Wang kaw galaw lai wa ai.

N-dai hpawng lamang hta shang lawm na matu Octobe 15 ya shana maga du sa wa ai Myanmar Mungdan ting hte seng ai Chyum Mungga Sasana Magam Dap Ninghpum,Saradaw Kaba Basilio Athai hte du sa ai dat kasa  ni hpe Buga Hpung masha ni hku nna , Lam ding yang tsap let Wunpawng dum sumpyi ni hte kabu gara hkap tau hkalum la ma ai.

Hpaw Poi lamang galaw ai hta Wajau Lucas Dau Hkawng hku nna hkalum Mungga shaga ai hte Myanmar Mung Saradaw Ginwang 16 kaw na du sa wa ai Chyum Mungga Sasana Magam gun Dat Kasa ni hpe Jinghpaw Wunpawng Htunghking Magun lit hte shagrau ai lam, Myitkyina Kahtawlik Ramma ni hku nna mung yungwi mahkawn ,ka hkrang ni hte shangwi shapyaw hkap tau hkalum la ai lam ni hpe galaw lai wa sai rai nga ai.

N-dai hpawng hpe October 15-20 mali ya tup galaw na rai nna,hpawng laman Wa Jau Msgr. Maurice Nyunt Wai ,Wa Jau Saw Bosco, Wa Jau Noel Naw Latt hte Wa Saradaw Kaba Basilio Athai ni hku nna n bung ai ga baw amyu myu hte lakjet jaw sharin ya mat wa na re ai lam, hpang jahtum shani gaw hka ja hkrun lam hku nna Myikyina hte ni nawn ai shara hkan sa du gawan hkawm ai lam ni hpe galaw na re ai lam chye lu ga ai.

Thomas