Mara Raw Sacramentu Hte Seng Nna Ginhtim Hkang Da Ai Lam Hpe Ganing Re Ai Masa Hte Raitim Nmai Jahten Ai Lam Vatican Tsun

Mara raw sacramentu hte seng nna ginhtim hkang da ai (Confession Seal) hpe ganing re ai masa hta raitim mung sadi run jahten kau ai lam nmai galaw ai, nga nna Vatican tsun dat nga ai. Mara raw sacramentu hku nna na chye da ai lam ni hpe tsun shapraw lam galaw na matu mungdan asuya, tara upadi ni hku nna, Jau ni hpe shadut shagwi lam ni galaw ai gaw, makam msham hte seng ai wang lu wang lang ahkaw ahkang hpe tawt lai ai lam rai nga ai, nga nna Vatican tsun dat nga ai.

Wa Sarabyin ta masat htu nna ndau shapraw dat ai laika hta, “mara raw sacramentu hku nna na chye da ai lam ni hpe tsun shapraw lam galaw na matu, hpa lam hte mung jau ni hpe shadut shagwi lam nmai galaw ai. Mara raw sacramentu hte seng nna gin htim da ra ai lam ngu ai gaw Karai kasang a tara hta npawt gaw da ai lam rai nga ai zawn, sacramentu a mabyin masa nan mung rai nga ai. Dai re majaw nawku hpung a ahkang aya hku nna mung, mungdan asuya a ahkang aya hku nna mung, dai lam ni hpe tsun shapraw na matu shadut shagwi lam nmai galaw ai.

Galaw wa ai shadut shgwi lam ni ma hkra gaw, karai kasang hte seng ai nawku hpung a wanglu wang lang ahkaw ahkang hpe tawt lai ai lam tai nga ai. Makam masham hte seng ai wanglu wang lang ahkaw ahkang hpe tawt lai ai lam mung rai nga ai. Mara raw sacramentu hte seng ai gin htim da ra ai tara hpe tawt lai ai jau gaw mara sa raw ai masha wa hpe tara tawt lai ai lam nan rai nga ai. Dai re majaw, sai hkaw asak jaw ra wa ai masa aten hta pyi jau ni hku nna mara raw sacramentu hte seng ai ginhtim da ra ai lam hpe sadi run ai lam nmai galaw ai” nga nna tsun da nga ai.

Dai ni na prat aten masa hta, media hpe madung da nna nga pra ra ai shinggyim uhpung uhpawng masa byin tai nga ai hte maren, uhpung uhpawng hta byin ai lam ni yawng hpe chye lawm ra ai, ngu ai myit lai ning mu masa ni nga nga ai majaw, mara raw sacramentu hte seng nna ginhtim da ra ai lam hpe sadi run nmai ai lam, Vatican kaw nna ndau shapraw lam galaw dat ai rai nga ai, nga nna Vatican shiga dap kaw nna shana dat nga ai.           

Source:Vatican News

 

 

Add new comment

2 + 0 =

Please wait while the page is loading

Mara Raw Sacramentu Hte Seng Nna Ginhtim Hkang Da Ai Lam Hpe Ganing Re Ai Masa Hte Raitim Nmai Jahten Ai Lam Vatican Tsun | Radio Veritas Asia

Error

The website encountered an unexpected error. Please try again later.