Manila Hka Mang Hkang A Matu Akyu Hpyi Ga Nga Nna Manila Saradaw Kaba Cardinal Tagle Hpung Masha Ni Hpe Tsun Shadut Lam Galaw

Hka garan jaw ai shara kaw du nga ai masha ni / Photo:AFP
Friday, March 22, 2019
PDF: 
PDF icon pdf_download_galaw_nna_hti_na.pdf

Philippines Mungdan Mare daju, Manila Mare kaba hta hka dum hprut ai mang hkang laja lana hkrum hkra nga ai aten, marang htu na matu akyu hpyi ga nga nna hpung masha ni hpe tsun shadut ai lam, Manila Saradaw kaba Cardinal Luis AntonioTagle galaw dat nga ai.

El Nino ngu ai nbung kahtet hta ai lam byin hkrum nga ai majaw Manila Mare daju hta, shaning 10 jan ning laman sawng dik ai masa hte hka dum hprut ai mang hkang byin hkrum nga ai, nga nna kung kyang ai seng ang ai lit nga ai ni kaw nna ndau shapraw ai lam galaw dat ai hpang ya na zawn Cardinal Tagle kaw nna akyu hpyi na matu hpung masha ni hpe tsun shadut ai lam galaw dat ai rai nga ai.        

Cardinal ndau shapraw ai laika hta, “shingra tara e marang jahtu ya yang chyu sha anhte hkrum hkra nga ai hka mang hkang kaw nna lawt lu na re, hpan da Madu Karai Kasang kaw akyu hpyi ga, Madu matsun dat ai rai yang, nbung hte Panglai ni madat nna marang htu wa na re. Karai Kasang anhte hpe matsan dum nna anhte ra nga ai marang jahtu dat ya u ga, Sumsing Mungdan kadu hkra anhte akyu jawm hpyi ga” nga nna hpung masha ni hpe tsun shadut ai lam galaw dat nga ai.

Ndai hka mang hkang a majaw Manila hte grup yin na masha wan 7 daram jam jau hkrum nga ai. Hka htaw jaw hpe tsap dingren nna ala yan hkap nga ai masha law law hpe shara law law hta mu mada nga ai. Philippines Mungdan gum san magam Rodrigo Duterte hku nna mung ndai hka mang hpe yan hparan lu hkra myo mare hka jaw gam garan ai magam bungli hte seng nna lit nga ai masha ni hte hkrum shaga bawng ban ai lam ni mung galaw nga ai.

Ndai ginhtawng laman nhtoi 150 ya daram Manila mare daju hpe ra ai hka matut jaw garan lam galaw lu hkra, Mungdan a dingdung maga de nga ai hka nam hpai madim ni hpe lit la galaw nga ai company ni hku nna Manila mare kaba de hka shang wa lu hkra nam hpai madin ni hpe hpaw ya na matu mung gum san magam Rodrigo Duterte kaw nna ndai lai wa sai March shata 15 ya shani hta, amying jahkrak dat ai lam mung galaw dat nga ai, nga nna Vatican shiga dap internet laika man hta mu lu nga ai.

Source : Vatican News

Add new comment

6 + 1 =

Quick Links