Mali Zup Madin Galaw Ai Lam Gaw Tinang Hkum Tinang Sat Si Ai Lam Tai Na Re, Nga Nna Cardinal Charles Bo Tsun Sadi Jaw Law Galaw

Mali zup madin dim ai lam gaw makau grup yin shingra tara, ginra masa yawng hpe hten run lam byin pru shangun lu mai ai majaw n galaw na matu seng ai myit su ni yawng hpe lajin ai lam galaw dat ai hte, n-dai gaw tinang a hkum hpe tinang sat si ai lam, mung chying sha ni yawng hpe si ari je yang dat ai lam tai na re, nga nna Myanmar Mungdan Yangon Saradaw kaba Cardinal Charles Bo tsun sadi jaw lam galaw dat nga ai.

“Wan lam re law ai Mungdan kata na hkau hting hkau na galaw sha ai ni bungli kata byin mat na hte hkrit hpa gam maka hkrum kadup wa na, Mali hka mayan nga nga ai makam masham hte seng ai chyoi pra ai shara ni yawng hten za mat wa na, anhte tsawra ai Mungdan a manu dan ai nam pu nam pan hkum tsum hpa ni mat hkoi mat wa na, anhte yawng hkrit hpa mabyin kaba ni hkrum kadup wa lu mai ai, Mali hka mazup madin galaw na masig shawng de sit nawt wa ai rai yang simsa lam ni mat hkoi mat wa na hte Myanmar Mungdan mung chying sha ni hku nna hkrit hpa gam maka hte hkrum kadup wa ra na, Mungdan mung chying sha ni yawng hpe si ari daw dan je yang ya ai lam mung tai mat na rai nga ai majaw, ndai madim masing hpe jahkring nan jahkring kau ra na re” nga nna January 28 ya shani ndau shapraw ai Cardinal a ndau laika hta tsun sadi jaw ai lam galaw dat ai rai nga ai.   

Matut nna Cardinal Charles Bo tsun ai hta, “Mali hka nu ngu ai gaw dut hpaga galaw na  gun rai nrai, Hka nu langai ngu ai masa sha mung nrai, anhte Myanmar Mungdan a manu dan ai Kanu she rai nga ai, Myanmar Mungdan a labau hte ndai Mali hka nu a labau gaw hkri gapyawn nga ai. Mungdan a ka-ang hku ga lwi nga ai hka nu rai nga ai hte, Mungdan a kabu gara ai lam, yawn hkyen ai lam ni yawng hpe chye ya nga ai kanu hka nu rai nga ai. Mungdan a ntsawm ai yawn hpa mabyin labau ni yawng hpe chye ya nga ai hka nu rai nga ai zawn ndai hka nu gaw Mungdan a myit mada shara hte ban dung nan mung rai nga ai” nga nna Cardianal Charles Bo tsun dat nga ai lam Ucan shiga dap Internet laika man hta ka shana da nga ma ai. 

Tranlsated by : Fr.Bernard Dashi Tang Ji

Source: ucanews.com

Add new comment

3 + 9 =

Please wait while the page is loading

Mali Zup Madin Galaw Ai Lam Gaw Tinang Hkum Tinang Sat Si Ai Lam Tai Na Re, Nga Nna Cardinal Charles Bo Tsun Sadi Jaw Law Galaw | Radio Veritas Asia

Error

The website encountered an unexpected error. Please try again later.