Madagascar Mungdan Na Jau Mama Ni Hpe Wa Sarabyin Lak San Hkrum Shaga Ai Lam Galaw

(2) ya aten la nna Madagascar mungdan hta du gawan nga ai Wa Sarabyin Francis kaw nna, lai wa sai laban shana maga daw hta Jau Ma ma, ni hte lak san hkrum shaga ai lam galaw lai wa ai. Sasana magam bungli hta shakut shaja nga ai jau ma ma ni, Sasana magam gun ni yawng hpe chyeju dum shakawn shagrau lam tsun shaga na matu, laban shana magam daw hta Jesuit dakkasu jawng rai nga ai Saint Michael College jawng wang hta, Madagascar mungdan na Jau Mama ni, Jau tai jawng, Mama tai jawng ma ni yawng hpe laksan hkrum shaga ai lam Wa Sarabyin Francis galaw lai wa ai re, nga ai.

Jau ma ma ni hpe tsun shaga n gun jaw ai Wa Sarabyin a mungga hta, “ya hkak jam jau lam ni law law a lapran sasana magam bungli galaw shakut nga ai majaw chyeju dum shakawn ai, shani shagu anhte hkrum kadup nga ai yak hkak lam ni gaw Nawku hpung asak hkrung nga ai, n gun atsam kaba hte shamu shamawt nga ai ngu ai lam a kumla nan rai nga ai, ndai yak hkak lam ni hpe da hpran nna Sasana magam bungli galaw nga lu ai ngu ai lam gaw Madu anhte a lapran shanu nga ai, shamu shamawt nga ai ngu ai lam a sakse nan mung rai nga ai. Ndai  Madagascar mungdan de sa du nna Sasana galaw nga ai jau ma ma ni, Sasana magam gun ni yawng hpe chyeju dum ai, Sasana sa galaw ai jau ma ma ni hpe chyu sha nrai, Madagascar mungdan zingri zingrat hkrum nna Sasana magam gun hpe Mungdan kaw nna shapraw kau hkrum ai aten ni hta, yak hkak lam ni law law a lapran makam masham matut hkrung nga hkra shakut da hpran lai wa sai yu maya hpung masha ni yawng hpe mung chyeju dum ai. Madu Yesu e shangun dat hkrum ai sape 72 zawn sha, nanhte mung ndai zinlawng mungdan jut shara magup hta Madu Yesu a kabu gara ai shiga nhtoi htoi tu shangun na matu yak hkak lam ni law law hpe hkap la nna pru hkawm sa magam bungli galaw nga ai ni rai nga myit dai, yak hkak lam ni law law nga ai, lu lang hka atsawm nlu mai ai, myit hprap wan nnga ai, matut mahkai lam ni atsawm nnga ai, ndai zawn re ai yak hkak lam ni a lapran Sasana magam bungli galaw nga ai re, ngu ai hpe atsawm chye ya lawm nga ai, ndai zawn re ai yak hkak lam ni law law hkrum nga ai raitim hpung masha ni a lapran shanu nga na lam hpe nanhte lata la myit dai majaw chyeju dum ai, myit ndaw nten ai sha matut shakut nga ga, Madu Karai kasang hpe chyeju dum shakawn ai lam ni dingrun matut galaw nga ga. Awng dang ai, hkrat sum ai, ngu ai masa yu maram dat yang, majoi aten jahtum kau ai lam ni tai mat sai kun ngu nna myit daw mayu ai zawn re ai lam ni mung nga pru chye ai, ratim mung ap nawng let matut shakut nga ga, ndai gaw anhte tinang a labau hpe ka shatsawm nga ai nrai, nanhe a myu sha ni a htoi tu ai labau madaw she rai nga ai” nga nna  Madagascar mungdan hta Sasana galaw nga ai jau ma ma ni, ap nawng magam gun ni, Jau tai jawng, Ma ma tai jawng ma ni hpe Wa Sarabyin Francis n gun jaw da lai wa ai lam Vaticans shaiga dap kaw nna shana da nga ai.  

Source;Vatican News

 

Add new comment

4 + 0 =

Please wait while the page is loading

Madagascar Mungdan Na Jau Mama Ni Hpe Wa Sarabyin Lak San Hkrum Shaga Ai Lam Galaw | Radio Veritas Asia

Error

The website encountered an unexpected error. Please try again later.