Loi Hkam Jau Ginwang Hta Kahtawlik Sasana Du Shang Wa Ai (75) Ninghpring Jubili Poi hte Jau Shatai Poi Galaw

Jubili Manau Poi

Sammung , Lashio Sasana, Loi Hkam Jau Ginwang hta  Kahtawlik Sasana du Shang wa ai (75) ninghpring  Lungseng Jubili Poi hte Nawku Jawng (25) ning hpring Gumhpraw Jubili Poi hpe  galaw lai wa sai lam chye lu ai.

Jubili Poi hta Myen Mung Saradaw Kaba , Cardianl Charles Bo hte Saradaw John Saw Yawhan, Saradaw Peter Luis , Wa Saradaw Philip Laza Zahawng ni sa du nna, bai gram lajang da ai Hkristu Hkaw Hkam Nawku Htingnu (25) ning hpring  hte Jubili masat shadaw , Jau n-ta ningnan ni hpe shaman ai lam hte  Jubili Hpaw poi lamang ni hpe 2019 ning April shata praw 3 ya shani galaw nna, April shata praw 4 ya shani gaw, Hkristu Hkawhkam Nawku Htingnu hta Deacon Augustine Lagwi Dee Awng hte Deacon Peter Kareng Hting Nan yan hpe Lashio Sasana Sagurem wa, Wa Saradaw Philip Lasap Zahawng kaw nna, htani htana Jau  tai aya hpe hkam ya ai Jau shatai Poi hpe galaw la lu sai lam chye lu ai.

Matut nna April shata praw 5 ya shani gaw, Lashio Sasana, Loi Hkam Jau Ginwang hta  Kahtawlik Sasana du Shang wa ai (75) ninghpring  chye ju shakawn Lungseng  Jubili hte Nawku Jawng (25) ning hpring Jubili Poi hpe mung hpung shawa masha law law sa du nna, Htunghking Manau ,shangwi shapyaw shagrau sha-a lamang ni hte wu wu di rai kabu gara awng dang ai hte galaw la lu sai lam chye lu ga ai.

 

Bai nna, 2019 April shata 9 ya shani hta mung, Manmaw Sasana, Panghkak Jau Ginwang, Mai Ja Yang na, San Pio Nawku Jawng hta Deacon Mahte Mwihpu Grawng Naw gaw , Wa Saradaw Ramond Sumlut Gam a lata hta htani htana Jau tai aya hkam la sai lam, Jau shatai poi de shara shagu na WaJau , Mama ni,Du Salang ni hte Nawku Hpung shawa masha ni law law sa du shang lawm lai wa ma ai lam chye lu ga ai.

 

Add new comment

5 + 9 =