Kata Jau Ginwang, Emergency Response Committee Hte KMSS-Myitkyina Hkrum

Sagaing dingdung daw, Kata Jau Ginwang a Emergency Response Committee lit nga salang ni hte KMSS-Myitkyina ni lai wa sai March 4 ya shani, St. Joseph Nawku Jawng Wang kaw hkrum zuphpawng galaw la lu sai re.

Ndai hkrum zup ai lam hta Kata Jau Ginwang Up  Wa Jau Peter Lazum Naw Bawk, Mohnyin Jau Ginwang Up Wa Jau Paul Hkwi Shin Awng yan hkum nan sa du shang lawm sai hte Num Hpung, La Hpung, Ramma Hpung, Emergency Response Committee Salang ni sa du shang lawm lai wa sai.

Yaw shada ai lam gaw shawng lam Hkyak Hkyak Shinggyim Nauna Garum Gahtau Magam Bungli (Emergency Response) magam bungli ni hta, aten dep, rau lata gindun let galaw gun hpai sa wa lu na matu rai nga ai.

KMSS-Myitkyina gaw ya ten Jinghpaw Mungdaw kata, hpyen majan a majaw yak hkak hkrum nga ai ni hpe garum madi shadaw ya ai magam bungli ni hte shinggyim bawngring magam lam ni hpe galaw gun hpai nga ai Nawku Hpung a bawngring dap rai nga ai.  

News - John Seng Latt Aung (KMSS)

Photo – KMSS-Myitkyina

#KMSS_Myitkyina

#rvakachinservice