Jinghpaw mungdaw amyu sha rap daw masat (2) Me bang ginwang hta ၾကံ႕ခိုင္ဖြံ႕ၿဖိဳးေရး party kaw na dat kasa wa dang sai shiga! (Local News)

Jinghpaw mungdaw amyu sha rap daw masat (2) Me bang ginwang  hta ၾကံ႕ခိုင္ဖြံ႕ၿဖိဳးေရး party kaw na dat kasa wa dang sai shiga !

Myanmar mungdan Pranwan ra lata poi hta Jinghpaw mungdaw Myitkyina amyu sha rap daw masat lahkawng ginwang hta shanglawm shingjawng ai dat marai 6 hta ၾကံ႕ခိုင္ဖြံ႕ၿဖိဳးေရးပါတီ kaw na dat kasa Slg.Si Hu Dwi ra lata me 23000 jan hte dang mat ai lam chye lu ai. Myitkyina amyu sha rap daw masat lahkawng ginwang ra lata ginra a matu shanglawm shingjawng ai Mungsa Party ni gaw dinghkrai hku nna shingjawng ai langai, ၾကံ႕ခိုင္ဖြံ႕ၿဖိဳးေရးပါတီ  ,NLD,Sam hkyeng hte dingdung daw Sam myu party,Kachin Democartit party (KDP) hte Munghpawm rudi amyu sha Federal party ni kaw nna dat kasa ni marai 6 shanglawm shingjawng ai hta ၾကံ႕ခိုင္ဖြံ႕ၿဖိဳးေရးပါတီ kaw Slg.Si Hu Dwi gaw 23000 jan,KDP kaw na Slg.Gum rawng Awng Hkam gaw 19000 jan hte NLD kaw nna Jan,Yam Hkawn gaw 18000 jan lu ai re lam chye lu ai.

Ndai ra lata ginwang hta Me bang na ahkang lu ai masha Sen lahkawng jan nga ai raitim ra lata poi hta Me sa bang ai masha gaw Mun Kru jan sha re ai lam chye lu ai. Ndai Jinghpaw mungdaw Myitkyina amyu sha rap daw masat lahkawng ginwang hta tau nau hta ai me 6000 jan nga ai hta  Myen hpyen la ni marai 3000 jan yawng gaw ၾကံ႕ခိုင္ဖြံ႕ၿဖိဳးေရးပါတီ kaw bang rai nna,me bang ai hta Masat lahkawng Me bang ginwang hta hpyen dap kaw hpyen la marai 3000 jan nga gaw re kun? yawng gaw dai langai kaw sha bang ai lam ni hte asan brang lang nnga ai bai ra lata poi komiti ni kaw nna mung hpyen dap hpe nmai jep ai nga ai,Bai nna party ni kaw nna me bang ya nna na matu zinlum ai lam mung nmai galaw ai majaw n tara ai shuk ai lam ni nga ai nga nna me mahtai hta dat kasa nkau let mat nhtu ya shi ai lam ni nga ai lam chye lu ai.Dat kasa nkau let mat nhtu ai raitim ra lata comission kaw nna ၾကံ႕ခိုင္ဖြံ႕ၿဖိဳးေရးပါတီ ni Me 23000 jan hte dang ai nga nna shagrin ndau dat sai lam chye lu ai.Hpyen dap ni a tau nau Me bang ai lam hte seng nna Ra lata commission de Party masum laika bang san da ai lam chye lu ai.2018 pran wan ra lata poi hta lata la hkrum sai rap daw dat kasa ni a mying hpe Munghpawm Ra lata poi commission kaw nna November 4 shani ndau dat sai re.Mungdan ting hta mungshawa rap daw,amyu sha rap daw, Mungdaw hte Ginwang kaba rap daw ni hta  ra kadawn nga ai ra lata ginwang 13 hta NLD Party ni kaw nna shara 7 dang nna, ၾကံ႕ခိုင္ဖြံ႕ၿဖိဳးေရး Party ni shara masum hte SNLD party ni shara langai,Hkang democracy party kaw nna shara langai hte dinghkrai shingjawng ai langai ni dang ai lam chye lu ai.

 

 

Add new comment

17 + 0 =

Please wait while the page is loading