Jau Tai Ai (25) Hpring Chyeju Dum Gumhpraw Jubilee ( Local News )

Mogaung Jau Ginwang Up Wajau Dr.Yawhan Laulu Naw Tawng A Jau Tai Ai ( 25 ) ning hpring chyeju dum Gumhpraw Jubilee poi hpe ( 20.11. 2018 ) ya shani Mogaung San Peter Nawku Jawng wang hta galaw lai wa sai. Dai poi hta Wa Saradaw Kaba Paulu Zinghtung Grawng hte Wajau ni law law shang lawm missa hkungga nawng jau ya lai wa sai hte Ma Ma ni,Tara Hkaw Sara/num ni ,shara shagu na Nawku hpung masha ni ,Jinghku jingyu ni law law sa du nna, Manau nau ai lamang,Htung Hking ka hkrang,yu ngwi mahkawn shangwi shapyaw lamang ni mung galaw lai wa nna grai kabu gara awng dang ai hte galaw la lu sai rai nga ai. Wajau Dr. Yawhan Laulu Naw Tawng hte rau Jau Tai wa ai Wunpawng jau ni yawng marai (5) re ai hta na Wajau Joseph Raman hte Wajau Peter Nhkum Zau Tang yan gaw Madu woi la kau hkrum sai majaw shan a matu mung myitdum ai lam Jubilee madu Wajau Yawhan Naw Tawng tsun lai wa ai.