Japan Mungdan Gaw Hkring Htawng Kaba Ai, Myit Masa Madang Tsaw Ai Mungdan Re Nga Nna Wa Sarabyin Tsun Dat Nga Ai Shiga

 

Tinang hta nga nga sai tsawm htap ai hkring htawng, ra kadawn nga ai ni hpe garum madi shadaw la chye ai mai kaja ai myit masa ni hpe matut zing kyem da nga ga, nga nna Japan mungdan mung up du asuya ni hpe Wa sarabyin Francis tsun dat nga ai. Nov 25 bat langai ya shani, Japan mungdan hkring mang daju hte asuya myit su salang ni, Japan mungdan hta magam gun nga ai mungdan shagu na sum tsan hkring mang ni, mung shawa hte seng ai uhpung uhpung ningbaw ni hte hkrum shaga ai hpawng hta ya na zawn Wa sarabyin tsun dat ai lam rai nga ai.

‘Ra kadawn nga ai masha ni hpe Madu Karai kasang kara hku yu lakawm lam galaw nga ai ngu ai lam hpe mu mayu ai rai yang Japang mungdan hta sa yu marit’ nga nna Japan mungdan de sasana sa galaw ai Jesuit jau langai lai wa sai 1579 ning grup yin hta ka da lai wa ai laika hpe madi madun let Wa sarabyin tsun ai hta, “Japan mungdan gaw ra kadawn nga ai ni hpe grai garum lakawn la chye ai mungdan re, mungdan langai shing nrai amyu langai a myit su bawng ring wa lam kade madang re ngu ai hpe shadawn maram ya ai lam ni gaw dai mungdan dai amyu sha ni hku nna ra kadawn nga ai ni hpe kade yu lakawn la chye ai, shinggyim asak hpe kara masa makawp maga manu shadan la chye ai ngu ai lam ni rai nga ai” nga nna Wa sarabyin tsun dat nga ai.

Nuclear wan bawm laknak jahkrum hkrum ai tsin yam ni htawm hpang de bai nbyin hkra galaw ra na lam hte seng nna Wa sarabyin tsun ai hta gaw, “ya na zawn Japan mungdan hta du nga ai lam gaw Japan mungdan hpung masha ni a makam masham hpe n-gun ban ya lam galaw na matu san san sa du ai lam nrai, Hiroshima hte Nagasaki mare kaba ni hta byin hkrum lai wa ai  Nuclear wan bawm hkrit hpa tsin yam mabyin ni shinggyim masha ni kahtap nna kara shara kaw mung bai nhkrum mu ga Karai kasang kaw akyu hpyi na matu, bai ndai hkrit hpa laknak dawm kau lu lam the seng nna lam tam shakut nga ai myit masa kaja rawng ai masha ni hpe n gun jaw lam ni galaw na matu Japan mungdan de du sa nga ai lam re, jahkrum bawng ban lam ni galaw ai hku nna yak hkang mang hkang lam ni hpe mahtai tam la lu mai ai ngu ai lam hpe labau hta sakse ni law law nga nga ai. Jet ai simsa lam, ngang kang ai simsa lam hpe jaw ya lu ai, shinggyim masha ni hta nga ra ang ai langai sha re ai laknak gaw jahkrum bawng ban ai lam rai nga ai” nga nna mung Wa sarabyin tsun dat nga ai.

Japan myu sha ni a tsawm htap ai lai htung masa hkring htawng hte seng nna Wa sarabyin tsun ai hta gaw, “makam masham ngang kang ai, myit masa kaba ai, myit masa madang tsaw ai ngu ai tsawm htap ai htung hkying hkring htawng ni Japan mungdan a labau hta tsa ban shaning law law ru jung nga nga Japan mungdan gaw gap da lu nga ai. Makam masham langai the langai lapran mai kaja ai hku hkau kanawn mazum lam ni gaw simsa lam a matu chyu sha nrai, ban the ban nga pra sa wa na msha ni yawng a matu tara rap ra ai, tsawm htap ai shing gyim uhpung uhpung gaw gap da ya lu na lam a ahkyak ai npawt nhpawng lung hkrung nan mung rai nga ai” ng anna Wa sarabyin tsun laai wa ai lam Vaticasn shiga dap kaw nna shana dat nga ai.

 

Source - Vatican News

#churchnews

#rvakachinservice

Add new comment

8 + 12 =

Please wait while the page is loading

Japan Mungdan Gaw Hkring Htawng Kaba Ai, Myit Masa Madang Tsaw Ai Mungdan Re Nga Nna Wa Sarabyin Tsun Dat Nga Ai Shiga | Radio Veritas Asia

Error

The website encountered an unexpected error. Please try again later.