India Mung Jarit Mayen Rai Nga Ai Naga Bum Pang Sau Kaw Magam Gun Nga Ai Paul Zau Sham Hte Hkrum Shaga

India mung jarit mayen rai nga ai, Pang Sau mare Naga bum gaw Jinghpaw mungdaw hte matut mahkai yak ai, hkrum lam yak ai shara re.

Makam masham lam hpe lu la ai mung n na shi ai re majaw  lam shagu hta grai naw hpang hkrat nga ai.

Pang Sau kaw jau ginwang nnan hpaw na matu hkyen lajang ai gaw masum ning rai wa sai, du na Pasaka hta gaw jau ginwang n nan lu hpaw hkra shajin taw nga ai.

Hpung masha htinggaw chyawm gaw nau n law ai, Pang Sau kaw sha htinggaw ( 80 ) daram nga ai rai nna  kaga mare ni hta gaw htinggaw shi jan, hkun jan sha nga ai.

Mare shagu ngu na daram hta nawku jawng naw gaw gap ra ai.

Anhte hta yak hkak jam jau lam ni grai naw nga ai re majaw jau ginwang n nan hpaw wa lu hkra mung lam shagu hta yawng naw garum shingtau la mi.

Anhte de mung sa yu, sa kawan nna anhte kaw ra nga ai lam ni hpe mung hpaji jaw n gun jaw la mi nga nna Wa Jau Paul Zau Sham saw shaga dat nga ai.