Htawm de Vatican tsumtsan kasa, tsumtsan salang galaw na ni gaw sasana mahkrum madup laning mi la ra ai nga nna Wa Sarabyin mastun dat nga ai shiga ( 18 Feb, 2020 )

Htawm de Vatican tsumtsan kasa, tsumtsan salang galaw na ni gaw sasana mahkrum madup laning mi la ra ai nga nna Wa Sarabyin mastun dat nga ai shiga

Htawm de Vatican tsumtsan kasa, tsumtsan salang galaw na ni gaw saradaw ginwang langai ngai hta sasana mahkrum madup laning mi la ra ai nga nna Wa Sarabyin Francis mastun dat nga ai. Pontifical Ecclesiastical Academy ngu ai Nawkuhpung ginjaw dakkasu jawng up saradaw kaba Joseph Marino hpang de shagun jaw dat ai Wa sarabyin a matsun laika hta ya na zawn matsun dat ai lam rai nga ai. Ndai Dakkasu jawng gaw htawm de Vatican tsumtsan kasa, tsumtsan salang tai wa na jau tai jawngma ni, jau ni hpe shapan shalat ai dakkasu jawng rai nga ai.

Wa sarabyin a matsun laika hta, “Vatican tsumtsan kasa, tsumtsan salang tai wa na matu shapan shalat sharin hkaja la ai lam ni galaw nga ai jau ni hku nna saradaw ginwang langai ngai hta laning mi sasana magam gun ra na. Ndai sasara mahkrum madup gaw htawm de Vatican tsumtsan kasa, tsumtsan salang tai wa na jau ni a matu grai nan ahkyak ai. Vatican tsumtsan kasa, tsumtsan salang magm gun wa ai shaloi mungkan mungdan shara magup de pru hkawm sa wa ra na re, Europa dan gaw makam masham bai jasu la na matu grai ra ai shara, Africa dan gaw bai htingram hkat lam ni galaw ya na matu grai hpang gara nga ai shara, Latin Ameriacan dan gaw tinang nang a mungdan a kata na yak hkak lam ni majaw n gun ban ya na matu grai ra kadawn nga ai shara, Dingdung America dan gaw shada da lachyen ginghka lam ni n galaw ai sha shinggyim sari ni hpe bai mu tam la hkra galaw la ra nga ai shara, Asia dan the Ocenia gaw bu htawt hkawm shanu mat wa ra ai shara ni hta htuk manu ai masa the nga chye mat wa lu hkra shakut nga ra ai the, nbung ai law la ai htunghkying laihtung masa langai the langai lapran htap htuk ai masa the rau jawm shanu lu hkra shakut nga ai shara rai nga ai” nga nna Wa sarabyin tsun dat nga ai.

Ya matsun dat ai Wa sarabyin a mastsun hpe 2020-21 hpaji ladaw kaw nna tara shang hkrang shapraw hkan sa wa ra na re, nga nna mung Pontifical Ecclesiastical Academy ngu ai Nawkuhpung ginjaw dakkasu jawng up saradaw kaba Joseph Marino hpang de shagun jaw dat ai Wa sarabyin a matsun laika hta matsun dat nga ai lam Vatican shiga dap kaw nna shana dat nga ai.      

 

Add new comment

8 + 3 =

Please wait while the page is loading

Htawm de Vatican tsumtsan kasa, tsumtsan salang galaw na ni gaw sasana mahkrum madup laning mi la ra ai nga nna Wa Sarabyin mastun dat nga ai shiga ( 18 Feb, 2020 ) | Radio Veritas Asia

Error

The website encountered an unexpected error. Please try again later.