Hkrum Shaga Lamang ( Interview With Fr. Joseph Zinghtung La Nu ) 04 June 2023

my photo

Sunday, June 04, 2023

No.(1) Lang Na, Rosary A Kanu Nu Maria Akyu Hpyi Poi

ပထမအကြိမ်မြောက် စိတ်ပုတီး မယ်တော်သခင်မ ဆုတောင်းပွဲတော် (31 May 2023)

- 31 May 2023 ya shani Njang Yang Jau Ginwang, San Patrick Nawku Jawng Wang hta No.(1) lang na Rosary a kanu Nu Maria Akyu hpyi poi Misa Hkungga hpe Myitkyina Sasana Sagurem wa, Wa Saradaw Francis Daw Tang ( hkring sa) hte Ginwang up Wa Jau Joseph Zinghtung La Nu, Maw-la-myaing Sasana na Wa Jau Hubert Myu Thant Oo ni woi awn let Nawku hpung masha ni law law shang lawm chyeju shakawn akyu ara hkam la lu sai rai nga ai.

- Nu Maria kaw akyu hpyi chyeju hkamla ai poi hpe Njang Yang Jau Ginwang hta dai ning kawn she, shawng ningnan galaw hpang ai rai nga ai.

- Shaning shagu May shata (31) ya shani hta Nu Maria Poi galaw mat wa sana re lam Ginwang up Wa Jau Joseph Zinghtung La Nu hkum nan tsun ndau shana sai.

- Ya na zawn Nu Maria hpe hkungga shakawn akyu ara hkam la ai poi galaw ai a yaw shada lam gaw-

1. Yuli hku hkoi tsai na matu,

2. Machyi makaw hkrum nga ai ni yawng mai hkam kaja na matu,

3. Galaw lu galaw sha, hpaga yungga galaw ai ni yawng awng dang ai chyeju hkamla lu na matu,

4. Jawnglung jawngsa ai ma ni yawng ngwipyaw hkamja let hpaji ni hpe atsawm sha sharin hkamla lu nna hpaji chye akyu rawng ai ni byin tai wa na matu,

5. Myanmar Mungdan lawan ngwipyaw simsa wa na matu rai nga ai.

- Jahpawt (8:00) AM ten Nu Maria hpe hkungga shakawn chyeju hkamla ai Misa, (11:00)AM ten hta Jau Ginwang kata na amu gun ni hpe shakawn shagrau ai lamang, (2:00) PM ten Wudang gawan akyu hpyi, (4:00)PM ten Chyoipra Hkum hte rau Nu Maria hpe hpai shinggrup akyu let chyeju hkamla ai poi hpe simsa ai hte apyaw sha galaw la lu sai.

- Njang Yang Jau Ginwang a No.(1) lang na Rosary a Kanu Nu Maria hpe hkungga shakawn akyu hpyi poi masat hku nna shana (7:00)PM ten Jau ginwang na Kawa La ni kawn, Ka manawt, yungwi nsen ni hte shangwi shapyaw la sai rai nga ai.

By; Sr. Rose Angeline Maran Nang Doi, SFX