Hkamja Lam A Nu Maria Poi Galaw ( Local News )

Myitkyina Saradaw Ginwang kata na,Tanghpe Jau Ginwang,;Tanghpre Mare Sumsing Lamu A Hkawhkam Jan Nawku Jawng Wang hta;(22) lang ngu na Hkamja Lam A Kanu ( Lourdes ) Nu Maria Poi hpe 2019 ning February shata (10 ) ya shani kaw nna daini 12 ya shani du hkra shara shagu na nawku hpung masha ni law law sa du akyu hpyi let galaw nga ai lam chye lu ai. Ndai poi hta Myitkyina Saradaw Ginwang Lit Hkam Wa Saradaw Francis Daw Tang mung sa du lawm sai hte Jau Ginwang shagu na Wajau,Ma Ma ni hte Tara Hkaw Sara/num ni law law sa du shang lawm ai hpe mu lu ai. Manmaw, Hpakant,Mohnyin,Mogaung,Danai,Chihpwi hte Lashio Sasana hkan na hpung masha ni mung sa du ai hte akyu hpyi sa lawm ai nawku hpung masha ni yawng Mun mi daram nga ai lam poi shabyin shatai Komiti ni tsun maram da ai kaw na chye lu ai. Daini February shata ( 12 ) ya shani gaw rung pat nhtoi ang ai majaw, asuya magam gun ni hte jawngma ni law law wa sa du shang lawm ai hpe mu chye lu ai.Nu Maria Poi hta sa du lawm ai hpung masha ni nkau mi gaw tinang ap nawng lu ai shara hta shang lawm ap nawng ai ni nga ai zawn, akyu hpyi la mayu ai lam ni hpe kam sham myit kaba hte myit lawm hkum lawm rai akyu hpyi shakut ai ni nga ai,chyoipra ai arung arai ni hpe shaman la ai,Wasaradaw hte Wajau ni kaw tinang hkum nan sa shaman hkam la ai, mara raw sakramentu hkam la ai hpung masha ni mung grai law ai hpe mu lu nga ai. 2019 ning na  Tanghpre  Nu Maria Poi  hpe Febraury 13 ya,hpawt de (7:00 AM ) hta chyeju dum Missa Hkungga hte shangut shakre mat wa na lam chye lu ai. (12 February 2019 ) Shiga - Julia Ja Ing

Add new comment

9 + 3 =

Please wait while the page is loading

Hkamja Lam A Nu Maria Poi Galaw ( Local News ) | Radio Veritas Asia

Error

The website encountered an unexpected error. Please try again later.