Geneva Myit Hkrum Ga Shaka A Ahkyak Ai Lam Hpe Myit Dum Na Matu Wa Sarabyin Bai Shadum

Lai wa sai 1949 ning, Geneva hta galaw lai ai Mungkan zup hpawng kaw nna myit hkrum ndau shapraw da sai, majam mang hkang lapran na mung chying sha ni hpe makawp maga la ra ai, ngu ai ga shaka hpe hkan shatup na ahkyak ai, nga nna Wa Sarabyin Francis tsun shadum lam galaw dat nga ai.

 Bat langai ya shani gaw, Geneva ga shaka ndau shapraw dat ai shaning 70 ning hpring ladu hkrum aten shani rai nga ai majaw, dai lam hpe ahkyak shatai myit dum na matu, laban shani San Peter pa kaba hta hpawng nga ai shawa hpawng hpe tsun shaga ai Mungga hta lahta na zawn wa sarabyin tsun shadum lam galaw dat ai rai nga ai.

Labau shang galaw da lai wa ai ndai Geneva ga shaka a ahkyak ai lam hpe shadum let, Wa Sarabyin tsun ai hta,

“Ndai Geneva ga shaka ladu hkrum masat galaw nga ai aten nhtoi hta, majan mang hkang lam ni a lapran tsin yam hkrum nga ai mung chying sha ni a asak the shinggyim sari hpe makawp maga ya lam galaw ya na ahkyak ai ngu ai lam ni hpe Mungdan asuya ni hku nna myit dum ra ai, Mungkan mungdan ni yawng myit hkrum nadau da sai, Mungkan mungdan ni yawng the seng ai tara ni hpe, mungdan asuya ni yawng hkan sa shatup ra ai, majan mang hkang lapran tsin yam hkrum nga ai masha ni hpe makawp maga la ra ai, grau nna majan byin nga ai shara ni hkan na tsi rung tsi jaw gawk, hpaji sharin jawng, makam masham the seng ai shara ni, tsin yam hkrum masha ni shingbyi nga ai shara ni hpe asuya ni kaw nna makawp maga la ra ai, bai anhte yawng myit dum nga ra ai lam gaw, kasat gala majan shabyin ai lam ni ngu ai gaw shinggyim masha ni yawng a matu ja ja hkra machyi hkrat sum shanun lam ni re, ngu ai hpe myit dum ra ga ai”

nga nna Wa sarabyin stun shadum dat nga ai lam Vatican shiga dap kaw nna shana dat nga ai.      

Source:Vatican News