Galaw Sa Wa Na Magam Bungli Lawng Lam 5 Hpe, Asia Dan Saradaw Ni A Ning Baw Nnan Kaw Nna Ndau Shapraw

Asia dan Nawku hpung a matu madung da galaw sa wa na magam bungli masing hpan 5 hpe ndau shapraw dat ma ai.

Dai magam bungli masing hpan 5  ni  gaw, tara arap ra lam, bai htingram hkat lam, Buga nga baw sang masha ni a ahkaw ahkang hte seng ai lam, simsa lam a matu tsun shaga jahkrum bawng ban lam, Asia dan ting wunli lu nga mu nga mai lam , ndai lam ni hpe madung da galaw sa mat wa ra na re, nga nna, Asia dan Saradaw ni a rap daw ning baw lit magam hpe ndai January praw 1 ya shani kaw nna hkap la gun hpai hpang wa sai rai nga ai Myanmar Mungdan Yangon Saradaw kaba Cardinal Charles Bo kaw nna ndau shapraw ai lam galaw dat nga ai. 

January shata praw langai ya shani ndau shapraw dat ai FABC Asia dan Saradaw uhpung rap daw a ning baw nnan Cardinal Charles Bo a laika hta, “Asia dan rawt jat bawng ring lam hte tara rap ra ai lam ni grau nga wa hkra shakut galaw hkawm sa nga ai anhte a hkrun lam hta, htum yawm mat sai n gun atsawm ni hpe Hkristmas a kabu gara ai Mungga a marang e n gun bai ban ya nga u ga, Bethlehem Mare na ntai nmai re ai dum su lawng hta shagrit shanem ai hte shangai chying hkai htoi tu nga ai nhtoi gaw anhte a matu myit mada shara nhtoi tai nga u ga, Asian dan a matu madung da galaw sa mat wa ra na lam ni gaw, tara rap ra lam, bai htingram hkat lam, buga nga, baw sang masha ni a ahkaw ahkang hte seng ai lam, simsa lam a matu tsun shaga jahkrum bang ban lam, Asia dan ting wunli lu nga mu nga mai lam, ndai lam ni rai na re” nga nna tsun dat nga ai. 

FABC a ning baw lit la nga ai India Mungdan Bombay Saradaw ginwang a Saradaw kaba rai nga ai Cardinal Oswald Grasias gaw lai wa sai December 31 ya shani shi a lit gun hpai ra ang aten ladaw htum mat sai majaw,Lai wa sai shaning November 16 ya shani galaw lai wa ai FABC Asia dan Saradaw ni a Central Committee zup hpawng kaba kaw nna Cardinal Charles Bo hpe FABC Asia dan saradaw uhpung rap daw a ning baw tai na maatu lata dang da ma ai rai nga ai.

 

Source : Vatican News 

Add new comment

9 + 6 =

Please wait while the page is loading