FAO de Wa sarabyin Francis mungga laika shagun jaw...

World Food Day ngu ai malu masha hte seng ai Mungkan masat nhtoi kaba shani hta, “Malu masha dum hprut ai lam kadai hta mung nnga u ga, hkyak hkyak ta tut magam bungli masing masa jahkrat galaw na ra nga ai,” nga nna FAO ngu ai malu masha hte seng ai mungkan rap daw uhpung de Wa Sarabyin Francis kaw nna Mungga laika shagun jaw dat nga ai.

FAO ning baw rai nga ai José Graziano da Silva hpe madi nna shagun jaw dat ai Wa Sarabyin Francis a Mungga laika hta, “du wa na 2030 ning hta kaw si hpang gara hkrum, malu masha dum hprut ai lam ni tsep kawp nnga hkra galaw mat wa na masing nga ai, nga nna tsun nga ma ai raitim, ya hkyak hkyak malu masha dum hprut ai lam ni nnga hkra lajang galaw ya na ra ahkyak nga ai, kaw si hpang gara hkrum nga ai ni hpe 2030 du hkra, shaning 12 ning la nga shangun nmai nga ai, 2030 ning hta malu masha dum hprut lam tsep kawp nnga hkra galaw sa wa na ngu ai masing mung n byin nmai galaw ra ai masing rai nga ai” nga nna Wa Sarabyin tsun dat nga ai.

Matut nna Wa Sarabyin tsun ai hta, “ndai masing awng dang wa hkra anhte yawng htam lahkawng myit da ting n-gun dat shakut na ra nga ai, grau nna FAO uhpung hte dai uhpawng a malawm Mungdan ni, mung chying sha ni ht seng ai mung chying uhpawng uhpawng ni yawng hku nna, sha na malu masha dum hprut ai masha kadai nnga hkra htam lahkawng n gun dat shakut galaw ra na ga ai. Malu masha ngu ai hta, law hkra lu la shajang na matu sha nrai, mai kaja ai malu masha lu la shajang hkra galaw ra na ga ai. Matsan ai Mungdan ni hku nna shanhte hkrum nga ai tsin yam lam kaw nna lawt lu na matu anhte a masan sa ai grum ning tum lam ni hpe myit mada nga ma ai.

Shinggyim masha ni hta maren mara re ai rawt jat bawng ring lam hpe nhkam sha lu shangun ai, grau nna yak hkak jam jau nga ai masha ni hku nna shanhte a npawt madung ra lam rai nga ai sha na malu masha pyi dum hprut nga ai masa hpe sharai garum ya ai lam n galaw ya ai rai yang anhte tinang a hkum hpe gaya mai nga ga ai” nga nna World Food Day ngu ai malu masha hte seng ai Mungkan masat nhtoi kaba shani hta,  FAO malu masha hte seng ai Mungkan rap daw uhpung hpang de Wa Sarabyin Francis kaw nna mungga laika shagun jaw dat nga ai lam Vatican shiga dap kaw nna shana dat nga ai.   

 

Source : Vatican News

Add new comment

4 + 16 =

Please wait while the page is loading

FAO de Wa sarabyin Francis mungga laika shagun jaw... | Radio Veritas Asia

Error

The website encountered an unexpected error. Please try again later.