Dingdung Korea Mungdan De Wa Sarabyin Sa Du Gawan Na Hpe Hpung Masha Ni Myit Mada Nga

American Mungdan Gumsan magam Donal Trump hte Ding Dung Korea Mungdan ning baw Kim Jong Un yan hkrum shaga ai kaw nna Ding Dung Korea Mungdan de Wa Sarabyin Francis sa du gawan ai lam byin pru wa na hpe Korea mungdan hpung masha ni myit mada nga ma ai.

Lai wa sai June shata 30 ya shani American mungdan gumsan magam Trump hte Ding Dung Korea ning baw Kim yan Korea mungdan lahkawng a lamu ga jarit hta hkrum shaga ai lam galaw lai wa ai hte, labau shang hku nna American mungdan Gum san magam Ding Dung Korea mungdan lamu ga de gabye shang wa ai rai nga ai.

Ndai mabyin gaw Korea zinlawng mungdan lahkawng langai sha bai tai wa na lam a shawng nnan ngu na lahkam rai wa na re, nga nna mung Korea mungdan Kahtawlik hpung masha ni myit mada nga ma ai.

Gumsan magam Trump the Korea Ning baw Kim yan hkrum shaga na shawng e sha, ndai mungdan lahkawng jarit makau hta Korea Kahtawlik hpung masha ni 20,000 jan jawm hpawng nna, Korea Mungdan majan byin lai wa ai masat nhtoi hpe myit dum ai hku nna Missa hkungga nawng ya lai wa ma ai re, nga ai.

1950 ning June shata 25 ya shani dai shaloi na Soviet Union Mungdan garum ya ai Dingdung Korea hpyen hpung ni Dingda Korea de htim kasat shang wa ai majaw majan byin hpang wa ai. Masum ning tup na ai hpang she majan bai zim mat wa ai, raitim mung dai ni du hkra tara shang mungdan lahkawng majan shazim ai myit hkrum ta masat htu da lu ai lam n glaw lu shi ma ai.

American mungdan gum san magam Donald Trump hte Korea mungdan ningbaw hkrum shaga ai mabyin kaw nna Wa Sarabyin Ding Dung Korea Mungdan de sa du gawan ai lam ni byin pru wa lu na myit mada ai lam, Korea Saradaw ni tsun jahta wa nga ma ai.

Source: NCR

Add new comment

7 + 5 =

Please wait while the page is loading

Dingdung Korea Mungdan De Wa Sarabyin Sa Du Gawan Na Hpe Hpung Masha Ni Myit Mada Nga | Radio Veritas Asia

Error

The website encountered an unexpected error. Please try again later.