Covid -19 Tsin yam kaw na dum hprang let, mungkan tsawm htap lam grau hkra gaw gap sa wa na matu, Muhammad Yunus Tsun

 (Nobel Peace Prize) Simsa lam hte seng nna Nobel kumhpa lu ai Muhammad Yunus Sarabyin rung hte matut mahkai ai Lateran Dakgasu jawng hta mungkan sut masa lam hpe, Chyam bra nga ai Covid-19 ai ten hte hkoi wai mat ai hpang, gara masa hku gaw de ga ngu ai lam ni hpe tsun dan da nga ai.

Nobel Peace Prize madu Muhammad Yunus gaw lai wa sai May 14, bat 4 ya shani “No Going Back. The World Economy after the Covid-19 Pandemic” ngu ai gabaw hte lecture jaw da nga ai. Chyam bra Covid-19 a hpang Mungkan Sut masa lam hta Htingnut mat ai lam nnga ai sha shawng de hkawm sa nga ga ngu tsun n gun jaw da nga ai.

Sharin sara kaba Yunus gaw Grameen Bank hpe gaw de hpang ai wa rai nga ai. Dai bank gaw Microfinance organization and community development bank rai nna, matsan mayan ni hpe garum ningtum jaw taw ai masing jahkrat galaw nga ai lam chye lu ai. Ndai Bank a majaw Yunus gaw 2006 shaning hta Nobel Peace Prize shagrau hkrum ai rai nga ai. Dai zawn shagrau ai gaw Yunus shi a shakut shaja ai hta matsan mayan ni hpe madung da garum ya nga ai majaw re lam Norwegian Nobel Committee kawn sang lang da nga ai. Shi gaw Bangladeshi mungdan kaw Nobel kumhpa hpe shawng nnan shagrau hkrum ai wa mung rai nga ai.

Shi a mungga hta Yunus gaw chyam bra nga ai ana zingli a majaw tsin-yam hkrum nga ai ten mungkan sut masa lam hta shawoi na zawn sha galaw taw ai hku nre ai grau kaja ai sut masa lam ni hpe bai sumru masing jahkrat na htingnut ai lam nnga ai sha shawng de tsaw grau ai hte hkawm sa nga ga ngu n gun jaw da nga ai. Covid -19 tsin-yam hkring mat ai shaloi laklai ai ahkaw ahkang hte mahkrun lam ni grau hkum zup ai hku hkam la lu na re. Raitim, anhte shinggyim lam yan hte seng ai makau grup ying ni hpe sam maram chye na ra na hte sut masa lam hpe hpungtang hpaji masa hku nre ai shinggyim wuhpung wuhpawng ni hte shing tai yawng a kabu pyaw dik htum ai lam yan hta gaw gap sa wa na ahkyak ai ngu tsun da nga ai. Shi matut tsun ai hta mani ngu ai lai wa sai ten na nkaja ai lai len hte n yu n hkam la ai sha, hpawt ni ngu ai shawng lam de masha hkum shagu shang lawm mai ai magam bungli hta bai gahkying shang galaw sa wa nga ahkyak ai ngu rai nga ai.

Dai ni na mungkan gaw Chyam bra nga ai ana zingli tsin-yam hta hkrat sum nga sai. Dai hpyen hpe jawm pawng nna gasat lu ai madang de ndu shi nga ai re. Dai zawn pawng hpawm wa shangun na malai, tinghkrai sak hkung lam a matu shimlam la makawp maga nga ma ai hte shada garan ginghka lam de rai taw nga ai. Hkra Machyi ai lam ni mung law jat grau wa nga ai. Mungkan nnan hpe gaw de na matu shinggyim lailen myit masa hte makam masham ningbaw ni a woi awn zinglum ai gaw ahkyak nga ai.

https://www.vaticannews.va/en/vatican-city/news/2020-05/yunus-in-wake-of-pandemic-we-must-create-a-better-world.html

Add new comment

11 + 7 =

Please wait while the page is loading

Covid -19 Tsin yam kaw na dum hprang let, mungkan tsawm htap lam grau hkra gaw gap sa wa na matu, Muhammad Yunus Tsun | Radio Veritas Asia

Error

The website encountered an unexpected error. Please try again later.