Coronavirus Ana Machyi Hkrum Nga Ai Ni Hpe Yu Gawn Lajang Nga Ai Ni A Matu Karai Kasang Hpe Chyeju Shakawn

Wa Sarabyin Missa Hkungga Hta “Sak Jaw Apnawng Marai Rawng Katsi La Gring Ai Masha Ni A Matu Karai Kasang Hpe Chyeju Dum Shakawn Ai” Shiga

Casa Santa Marta Nawku htingnu hta nawng jau ai Missa hkungga hta Coronavirus Ana zingli hkrum hkra nga ai machyi masha ni hpe tinang a asak aprat hpe apnawng let yu reng gawn lajang nga ai ni yawng hpe shakawn shagrau n gun lu ai nga nna tsun dat nga ai.

Lusha Gam Ladaw (4) ngu na laban bat (2) ya shani na Missa hta hti ang ai Chyum Mungga Daw (1) hta na Myihtoi Ezekiela laika (47:1-9, 12;)) hte Yawhan a Kabu gara shiga (5:1-16) hta na mungga hpe lakap nna Wa sarabyin gaw “Ndai nhtoi ni hta tsi sara kaba ni, Jau ni hte Mama nkau ni si mat ai shiga ni hpe na lu taw nga nngai. Shanhte ni gaw machyi ai masha ni hpe yu gawn lajang ai a majaw coronavirus ana zingli hpe hkrum hkra nna nnga mat ma ai lam chye lu ai. Shanhte a matu hte shanhte a nta masha ni a matu akyu ja ja hpyi ya nga ga. Shanhte a Sak jaw apnawng Marai rawng katsi la gring ai masha ni a matu karai kasang hpe Chyeju dum shakawn nngai” nga nna tsun shapraw da nga ai.

Wa sarabyin gaw dai shani na chyum mungga hpe lakap nna, “Hka gaw Hkyehkrang la ai a kumla re nga shi a mungga hta tsun da nga ai.  Hka gaw asak jaw ai; tsi mawan tai ai hka re.” nga nna tsun shadum da nga ai.

Yawhan a kabu gara laika hta mung machyi ai a(38) ning na sai wa Dai hka hta tsi tsi hkam la matu a la dingda nga ai. Shaning law law la dingda nga ai dai machyi masha gaw masha langai ngai shi hpe garum la na hpe a la nga ai. Dai hka gaw coronavirus hpe makawp maga na matu jai lang ga nga nna mungkan ting tsun shadum hpaji jaw nga ai re majaw, anhte ni yawng mung dai hka hpe ladat jaw jaw hte jai lang let coronavirus ana zingli kawn makawp maga lu u ga yaw shada let vatican kawn shana shabra da ai shiga hpe anhte RVA kachin service kawn bai shalai ndau shana dat nngai.

 

Source; Vatican News

Add new comment

4 + 1 =

Please wait while the page is loading

Coronavirus Ana Machyi Hkrum Nga Ai Ni Hpe Yu Gawn Lajang Nga Ai Ni A Matu Karai Kasang Hpe Chyeju Shakawn | Radio Veritas Asia

Error

The website encountered an unexpected error. Please try again later.