Chile Mungdan Dat Kasa Saradaw Kaba Ni hte Wa Sarabyin Chyinghka Pat Bawng Ban Ai Lam Galaw

Lai wa sai 2018 ning January shata hta Chile Mungdan de Wa Sarabyin Francis sa du gawan ai lam galaw lai wa ai. Nhtoi 4 ya aten la nna sa du gawn lam galaw lai wa ai dai shaloi na Wa Sarabyin Francis a Chile Mungdan hkrun lam gaw grai lak lai awng dang ai hkrun lam tai lai wa sai raitim, Mungdan kata na Chile Jau ni hte Saradaw ni nkau mi a num ma ni a ntsa hkum shan roi rip lam galaw ai mang hkang shiga ni law law tsun garun lam byin pru lai wa hkrun lam mung tai lai wa ai.

Dai re ai majaw, 2018 ning May shata laman Vatican de sa du na matu Chile Mungdan Saradaw ni yawng hpe Wa Sarabyin Francis shaga ai lam galaw lai wa ai, May shata galaw lai wa ai Chile Mungdan saradaw ni hte Wa Sarabyin hkrum shaga bawng ban ai zup hpawng hpe Chile Mungdan saradaw ni magam lit kaw nna hkring sa na laika Wa Sarabyin Francis hpe ap jaw nna hpawng shangut lai wa ma ai rai nga ai.

Ya ndai lang Chile Mungdan Saradaw ni yawng a malai dat kasa Saradaw ni marai 5 Wa Sarabyin Francis hpe sa du hkrum shaga bawng ban lam galaw lai wa ma ai lam rai nga ai. Ndai bawng ban hpawng gaw chying hka la nna galaw ai hpawng rai nga ai majaw kata lam bang ban lam ni hpe tsun ndau shapraw ai lam n galaw nga ai. Raitim mung, ndai bawng ban hpawng hte seng nna Chile dat kasa Saradaw ni a ningbaw Saradaw kaba Luis Fernando Ramos Pérez Vatican shiga dap de tsun shana ai hta, “lai wa sai shaning Wa Sarabyin hte hkrum shaga bawng ban lam galaw lai wa ai hpang, ndai mang hkang lam hte seng nna shata 8 laman Chile Mungdan Nawku hpung hku nna galaw lu lai wa sai lam ni hpe Wa Sarabyin Francis hpe tsun tang madun ai lam ni galaw ai hte, byin lai wa sai mang hkang lam ni hte seng nna Wa Sarabyin hte asan brang lang tsun bawng ban ai lam ni galaw ai hpawng re.

 Wa Sarabyin Francis hku nna mung galaw mai ai lam ni hpe hpaji jaw la ai lam ni tsun shaga ai, ndai zawn re ai mang hkang lam ni hpe yan hparan ai lam ni galaw ai hta tsawra mai kaja ai myit masin ni ra ahkyak nga ai zawn, zai ladat mung rawng ra nga ai” nga nna Chile Mungdan dat kasa Saradaw ni a ning baw Saradaw kaba Perez shiga dap de tsun shana dat nga ai lam Vatican shiga dap kaw nna shana dat nga ai.   

Source:Vatican News

Add new comment

4 + 15 =

Please wait while the page is loading

Chile Mungdan Dat Kasa Saradaw Kaba Ni hte Wa Sarabyin Chyinghka Pat Bawng Ban Ai Lam Galaw | Radio Veritas Asia

Error

The website encountered an unexpected error. Please try again later.