Cardinal Nnan Marai 13 Bai Shatai Na Lam Wa Sarabyin Ndau Shana

Nawku hpung a sasana magam bungli a matu Carninal nnan marai 13 bai shatai na lam Wa Sarabyin Francis ndau shana dat nga ai. September praw 1, laban shani, San Peter pa kaba hta, shani ka-ang Angelus akyu hpyi ngut ai hpang ya na zawn ndau shana dat ai lam rai nga ai.

Mungkan shara magup hta shanu nga ai, masha shagu hpang de Madu Karai kasang a tsawra matsan dum lama ai lam hkaw tsun shana lam galaw nga ai Nawku hpung a sasana magam bungli a matu, ya du wa na October praw 5 ya, Amezon ginra hte seng nna galaw na Saradaw ni a laksan Synod hkumra hpawng kaba hpang wa na shawng shana hta Carnidal nnan shatai ya ai lam galaw na re, akyu hpyi garum ya marit” nga nna Wa Sarabyin tsun let Cardinal shatai na Saradaw kaba ni a mying ni hpe hti shana ya lai wa ai. 

Wa Sarabyin ndau shana dat ai Caridanal tai wa na Saradaw kaba ni hta na marai masum gaw Nawku hpung ginjaw Vatican magam dap ni hta magam gun nga ai Saradaw kaba ni rai nga ai. Langai mi gaw Jesuit jau rai nga ai, ndai Jesuit jau gaw shaning law law Mungdan shara shagu hkan sasana magam gun hpai lai wa sai hte, ya yang Nawku hpung ginjaw “Dicastery for Promoting Integral Human Development” ngu ai magam dap hpe lit woi awn nga ai zawn, October shata hta galaw na lajang nga ai Amezon ginra makawp maga lam hte seng ai Saradaw ni a laksan Synod hkumra hpawng kaba hpe amu madu tai ya nga ai Jau rai nga ai.   

Ngam nga ai Saradaw kaba ni gaw, Indonesia, Habana, Congo, Germany, Guatemala, Italy, hte Spain Mungdan ni hkan na rai ma ai.

 Asak hpring sai majaw Saradaw magam bungli lit kaw nna hkring sa nga sai, asak 80 ning lahta rai sai, Lithuania hte Naples kaw na Saradaw kaba yan, bai Egypt Mungdan hte seng ai Wa Sarabyin a dat kasa hku nna shaning law law magam gun hpai lai wa nna ya hkring sa nga sai Saradaw kaba langai mung Cardinal shatai ya na lata san da hkrum ai mying jahpan hta lawm nga ai.

Source : Vatican News

Add new comment

9 + 8 =

Please wait while the page is loading

Cardinal Nnan Marai 13 Bai Shatai Na Lam Wa Sarabyin Ndau Shana | Radio Veritas Asia

Error

The website encountered an unexpected error. Please try again later.