Bawm Tsin-Yam Hkrum Hkala Nba Hkrum Sha, Jamjau Nga Ai Ni Hpe Garum La Ga

March 2, bat masum ya shani, hpung shawa masha ni hte hkrum shaga ai shaloi, Wa Sarabyin Francis, ya na zawn bawm tsin-yam hkrum hkala nba hkrum sha nna jamjau nga ai ni hte rau rai nga let garum shingtau ya ga, ngu mungkan masha ni hpe saw shaga da nga ai.
Dai shani, Poland mungdan na kam sham ai masha ni hte, Vatican hta hkrum shaga ai rai nna, Ukraine mungdan hpe Russiah ni laknak kaba ni hte gasat nga ma ai majaw bawm tsin-yam hkrum Ukraine mung shawa masha ni hpe garum la nga ma ai lam na chye lu ai hte dai zawn garum ya nga ai ni hpe chyeju dum shakawn let mungkan masha ni mung dai zawn garum pawnba la na matu saw shaga da ai rai nga ai.
Nanhte ni gaw Ukraine na jamjau masha ni hpe garum ya ai hta shawng hpang ai ni rai ma sai; nanhte a mungdan ga jarit hpe hpaw ya let Ukrian kaw na hprawng yen shang wa ai ni hpe garum ya nga ai majaw chyeju dum nngai; matut nna mung garum shingtau la gaw; mungkan masha ni yawng mung garum shingtau magam hpe galaw ga,” ngu Vatican San Laul VI hkaw hta tsun da ai.
By Fr. Patrick Gawmaw Hkawng Yae
#vaticannews
#rvakachinservice
https://www.vaticannews.va/en/pope/news/2022-03/pope-general-audience-wa...