Amezon Ginra Makawp Lam Hte Seng Ai Saradaw Ni A Laksan Synod Hkumra Hpawng Galaw Hpang Nga Sai Shiga

 

Pan-Amezon ginra makawp magam lam hte seng ai saradaw ni a laksan Synod hkumra hpawng kaba hpe Oct praw 6 ya, laban shani Vatican San Peter nawku htingnu kaba hta Wa sarabyin Francis kaw nna Missa hkungga the hpaw hpang dat sai rai nga ai. Ndai hkumra hpawng galaw na lam hpe lai wa sai 2017 ning Oct shata 15 ya shani, 2 ning daram tau nau nna Wa sarabyin ndau shana da ai rai nga ai.

“Anhte hta rawng nga ai Chyoi pra ai Wenyi hta, a machyu nga u” nga ai Timothy hpe Kasa Pawlu n gun jaw ai mungga the hkumra hpawng lawm na mungkan mungdan shara magup kaw nna du dung nga ai saradaw ni hpe Wa sarabyin kaw nna tsun shadum lam galaw lai wa ai.

Wa sarabyin tsun ai hta, “nanhte saradaw aya hkam la ai shaloi baw hta lata mara hkrum ai hpe myit dum nga mu, dai gaw tinang a lata ni hpe sharawt nna karai kasang hpang de akyu hpyi htinglu ai lam ni galaw na matu, tinang a lata ni hpe ladawn nna hpu nau ni hpe garum pawn ba la ai lam ni galaw na matu rai nga ai. Anhte a prat kaga masha ni a matu kumhpa tai lu ga, Karai kasang kaw nna chyeju kumhpa hpe anhte lu la ga ai. Dai kumhpa hpe tinang a matu chyu jum tek manat da nna, tinang a hkum hpe sha ahkyka shatai nga ga ai rai yang, anhte gaw amying htuk up reng ai masha ni tai mat nna sagu rem ni nbyin tai lu ai. Daw jau ai lam gaw lama ma bai lu la na matu nrai, jahpu manu njaw ai sha lu la ga ai zawn jahpu manu nhpyi ai sha bai jaw ya ai lam rai nga ai. Karai kasang anhte hpe jaw ai chyeju kumhpa gaw hkrit agam ai wenyi nrai, atsam rawng ai, tsawra ai, htauli htaula myit chye ai wenyi chyeju kumhpa hpe madaw she anhte hpe jaw ya ai. Htauli htaula myit chye ai wenyi chyeju kum hpa gaw, hpaji rawng ai masa the daw jau lam galaw lu muga matu, sagu rem ni hpe jaw ya ai chyeju atsam rai nga ai,” nga nna tsun shadum lam Wa sarabyin galaw lai wa ai.

Amezon ginra the seng nna shi a mungga jahtum daw wa sarabyin tsun ai hta, “Amezon ginra hta shanu nga ai anhte a hpu nau ni, myit hkyi litli lam ni law law the sak hkrung nga ma ai, dai shanhte a ru yak mang hkang lam ni hpe gun kau ya na, shalawt dat ya na, shalan shabran lam jaw ya na Kabu gara ai shiga mungga hpe shanhte ala dingda nga ma ai, nawku hpung a tsawra ai the lakawn la na hpe shanhte myit mada ala nga ma ai. ‘Shanhte a ginra hpe makawp maga lam galaw ai hta asak ap jaw kau ai buga masha ni hpe Amezon ginra kahtawng ning chyawng makau na lup wa ni hta shani shagu ngu na daram lup makoi lam galaw nga ra ga ai, dai ni hpe kum malap kau ya mi’ nga nna Cardinal Hummes tsun ai g ani hpe mung myit dum let, myit ru yak hkak hkrum nga ai Amezon ginra na hp unau ni the rau hkawm sa nga ga” nga nna hkumra hpawng shang lawm na du dung nga ai saradaw ni hpe Wa sarabyin tsun dat nga ai lam Vatican shiga dap kaw nna shana dat nga ai.          

Source - Vatican

#churchnews #rvakachinservice #aungnanmkn

Add new comment

2 + 9 =

Please wait while the page is loading

Amezon Ginra Makawp Lam Hte Seng Ai Saradaw Ni A Laksan Synod Hkumra Hpawng Galaw Hpang Nga Sai Shiga | Radio Veritas Asia

Error

The website encountered an unexpected error. Please try again later.