African Dan Na Niger Mungdan Kaw Jau Langai Sinat Gap Hkrum

African dan a sinna maga daw na, Niger Mungdan hta Jau langai sinat gap hkrum nna hkala hkrum lai wa ai. Niamey ngu ai Saradaw Ginwang na shi a Jau ginwang hta nga nga yang ya na zawn sinat hte gap hkrum lai wa ai lam re, dai shara hta shanu nga ai Kahtawlik hpung masha ni jahkrit shama lam ni grau grau hkrum wa nga ai shara mung re, nga ma ai.

“Lai wa sai bat langai ya shani, sinat hpai ai hpyen uhpung mi Niamey Saradaw ginwang na Dolbel ngu ai Jau Ginwang hpe shang gap bun ai lam ni galaw lai wa ai hta, Jau Nicaise Avlouke sinat hkra nna hkala hkrum mat wa ai re, ndai Jau ginwang gaw Niger Mungdan a mare daju hte kilometer 200 jan daram tsan ai shara kaw nga ai jau ginwang re, adawt kasat hkrum lu mai ai nga nna shiga kahtet taw ai gaw na sai re, dai shara buga hta magam gun nga ai jau ni, madung da adawt kasat hkrum lu mai ai, nga nna shiga pru nga ai shara mung rai nga ai,” nga nna dai shara hta sasana galaw nga ai Jau ni tsun dat nga ai.

Burkina Faso ngu ai shara na Nawku Jawng hta lai wa sai laban shani, jau hte hpawn marai 6 si hkrum lai wa ai, adawt kasat hkrum lam byin lai wa ai hpang shani, ya na zawn ndai Niger mungdan hta adawt kasat lam bai hkrum ai lam rai nga ai, nga nna Vatican shiga dap kaw nna shana dat nga ai.

Source:Vatican News