52 Lang Na Mungkan Sim Sa Lam Nhtoi Kaba Shani A Matu Wa Sarabyin A Mungga Hpe Vatican Kaw Nna Ndau Shabra

52 Lang Na Mungkan Sim Sa Lam  Nhtoi Kaba Shani a matu Wa Sarabyin Francis a mungga hpe Vatican shiga dap kaw nna ndau shabra lam galaw dat nga ai.

“Peace be to this house” “ndai n-ta hta simsa lam shanu nga u ga” ngu ai kabu gara ai shiga ja Chyum mungga hta na Madu Yesu tsun ai ga si hpe lang nna 52 lang ngu na simsa lam mungkan nhtoi mungga hta, mungkan ting hpe shakram shaman dat ya ai lam wa sarabyin galaw dat nga ai. “Ndai nta” ngu nna Madu Yesu tsun ai lam gaw kun dinghku dum nta shagu, uhpung uhpawng shagu, Mungdan shagu hpe Madu yesu ngu mayu ai rai nga ai, nga nna mung Wa Sarabyin sang lang dat nga ai.

Mung masa lam yan hta ahkaw ahkang jum tek da nga ai masha ni hku nna galaw gun hpai la ra ai lit lamang ni hte seng nna mung Wa Sarabyin a Mungga hta tsun madi madun ai lam galaw da nga ai.

Mung masa galaw ai, mung masa ahkaw ahkang jum tek da ai masha ni hte seng nna Wa Sarabyin tsun ai hta, “mai kaja ai mung masa lam ngu ai gaw simsa lam nga wa hkra ap nawng galaw shakut ai magam bungli rai nga ai, mung masa ahkaw ahkang jum tek da lu ai masha ni hku nna, shanhte a ahkaw ahkang hpe, tsawra shawang myit, mai kaja ai shinggyim sat lawat ni hta n pawt sharawt da nna, mung chying shawa masha ni hpe daw jau ap nawng ai magam bungli ni hta shanhte a ahkaw ahkang hpe jai lang ra na rai nga ai,” nga nna Wa Sarabyin Francis tsun dat nga ai. 

Mung masa lam hpe jahten sharu, ntsawm nhtap hkra shabyin kau ya lu ai n kaja ai lai len ni hte seng nna mung tsun sadi jaw ai lam galaw dat nga ai.Wa Sarabyin Francis tsun ai hta, “masha nkau mi a akyu hpe makawp maga ya lam galaw ai lam hta sha mung masa ahkaw ahkang hpe jai lang kau ai rai yang, shawng lam myit mada shara ni yawng hten run mat wa lu ai hte, ya kaba wa nga ai Ramma ni mung myit daw myit hten ai lam ni byin mat wa lu ai, anhte yawng hte seng ai dum nta, kun dinghku, uhpung uhpawng, mungdan hpe gaw gap garum ai magam lam hta yawng shang lawm ra nga ga ai majaw, ramma ni a atsam ning ja ni rawt jat wa hkra shapan shalat ya ai lam ni hta, mung masa ahkaw hkang hpe jai lang ra na ga ai, shing dang tawn nlu ai madang sinat lak nat ni chyam bra wa ai masa hpe ning dang kau nna simsa ai lam hpe madaw gaw gap na galaw ra na ga ai, simsa lam ngu ai gaw shada da hkungga manu shadan hkat ai lam, tara upadi ni hpe hkungga hkan sa ai lam, masha law law ai mai kaja ai akyu hpe galaw ai lam, makau grup yin hpun kawa ni hpe hkungga manu shadan ai lam, prat ban hte ban hkap la hkan sa hkrat wa ai mai kaja ai shinggyim lai len ni hpe manu shadan zing kyen la lam, ngu ai lam ni hta npawt sharawt nna gaw gap la ra na rai nga ai” nga nna Wa Sarabyin tsun dat nga ai lam Vaticans shaiga dap kaw nna shana dat nga ai.

Source : Vatican News

Add new comment

12 + 2 =

Please wait while the page is loading